თელავში სამი ახალგაზრდა დაჭრეს
11:26 / 19.12.2018
თელავში სამი ახალგაზრდა დაჭრეს. შემთხვევა გვიან ღამით შპს “ცხოველური ნარჩენების გადამამუშავებელი კომპანიის” ოფისში მოხდა.
არსებული ინფორმაციით, დაპირისპირებაში მონაწილე ერთ-ერთმა პირმა ცეცხლსასროლი იარაღიდან რამდენჯერმე გაისროლა. მომხდარს წინ ახალგზარდებს შორის სიტყვიერი და ფიზიკური დაპირისპირება უძღოდა.
დაჭრილებს ცეცხლნასროლი ჭრილობები ფეხის არეში აქვთ მიყენებული.
დაშავებულთაგან ორ ახალგაზრდას ქირურგიული ოპერაცია წუხელვე ჩაუტარდა.
ერთ-ერთი დაჭრილის მამის, თელავის ღვთაების დედათა მონასტრის მღვდელმსახურის, მამა გენადი გოგილაშვილის ვარაუდით, სისხლიანი გარჩევა წარსულში მომხდარ დაპირისპირებას უკავშირდება.
შინაგან საქმეთა სამინისტროს ინფორმაციით, გამოძიება ჯანმრთელობის განზრახ მძიმე დაზიანების მუხლით დაიწყო.
წყარო: ინტერპრესნიუსი
