სიახლე
სოფლებში საკრებულოს სხდომა არარსებული ინფრასტრუქტურის გამო ვერ ტარდება - ამირან გიორგაძე
ერთი წელი გავიდა მას შემდეგ, როდესაც მარნეულის მუნიციპალიტეტის საკრებულოს თავმჯდომარე ინიციატივით გამოვიდა, რომ საკრებულოს სხდომები სოფლებში გამართულიყო.

2018 წლის 12 მარტს საკრებულოს თავმჯდომარე ამირან გიორგაძემ განაცხადა, რომ სხდომებს მარნეულის 18-ივე ადმინისტრაციულ ერთეულში ჩაატარებდნენ.

ერთი წლის შემდეგ მარნეულის მუნიციპალიტეტის საკრებულოს გასვლითი სხდომა არც ერთ სოფელში არ ჩაუტარებია. ამის მიზეზად საკრებულოს თავმჯდომარე სოფლებში შესაბამისი ინფრასტრუქტურის არარსებობას ასახელებს.

„სხდომის ჩატარებას სჭირდება შესაბამისი მოწყობა ოთახის, რომ გამართულად ჩატარდეს სხდომა. ჩვენ შეხვედრები კი გვქონდა სოფლებში, მაგრამ ასე რომ სხდომა ჩაგვეტარებინოს არა, ვერ ჩავატარეთ.“ - გიორგაძე განმარტავს, რომ მერიას საკუთრებაში არსებული ქონება სოფლებში არ აქვს, რათა შეხვედრები იქ ჩაატარონ, ხოლო სივრცის დაქირავება კანონმდებლობიდან გამომდინარე ვერ ხერხდება.

მიუხედავად იმის, რომ საკრებულომ გასვლითი სხდომების ჩატარება 2018 წელს ვერ შეძლო, საკრებულოს თავმჯდომარე ამბობს, რომ ასეთი შეხვედრების ჩატარებას აპირებენ.

„ჩვენი ამომრჩევლების მიმართ პატივისცემა იქნება და თან ადგილზე, სხდომის დროს, გვინდა რომ მოსახლეობა დავისწროთ და ვისაუბროთ იმაზე, თუ მოსახლეობას რა აწუხებს და რა უნდათ, რისი გაკეთება სურთ.“ - ამბობს ამირან გიორგაძე

საკრებულოს თავმჯდომარე აღნიშნავს, რომ პირველ ეტაპზე, სავარაუდოდ იქ ჩაატარებენ შეხვედრებს სადაც შესაბამისი ინფრასტრუქტურა იქნება. ვერ აზუსტებს, თუ როდიდან დაიწყება შეხვედრები, მაგრამ ამბობს, რომ მოახლოებულ მერის არჩევნებამდე გასვლით სხდომებს არ დაიწყებენ, რადგან არ სურს რომ მოსახლეობამ შეხვედრები წინასაარჩევნო კამპანიად აღიქვან.

საკრებულოს თავმჯდომარეს გასვლითი სხდომის ჩატარების უფლებას მარნეულის მუნიციპალიტეტის საკრებულოს რეგლამენტის 48-ე მუხლის მეორე პუნქტი აძლევს, რომლის მიხედვითაც, საკრებულოს გასვლითი სხდომის ჩატარებაზე გადაწყვეტილებას იღებს საკრებულო საკრებულოს სხდომაზე ან საკრებულოს ბიურო საკრებულოს მორიგი სხდომებს შორის პერიოდში, საკრებულოს თავმჯდომარის ინიციატივით, საკრებულოს ფრაქციის ინიციატივით ან თვითმმართველ ერთეულში შემავალ ადმინისტრაციულ ერთეულში რეგისტრირებულ ამომრჩეველთა 1%-ის მოთხოვნით.

რადიო „მარნეული“


FaceBook Twitter Google
მსგავსი სიახლეები
მარნეულის ბაზრის მიმდებარე ტერიტორიაზე
 სავაჭრო ობიექტების მფლობელები აღმაშენებლის ქუჩაზე ობიექტის
დანგრევას და ახლის აშენებას აპროტესტებენ.
მარნეულის ბაზრის მიმდებარე ტერიტორიაზე  სავაჭრო ობიექტების მფლობელები აღმაშენებლის ქუჩაზე ობიექტის დანგრევას და ახლის აშენებას აპროტესტებენ.
დასაქმების პროგრამა 18 წლიდან იწყება და
ყველასთვისაა გათვალისწინებული
დასაქმების პროგრამა 18 წლიდან იწყება და ყველასთვისაა გათვალისწინებული

მარნეულის მუნიციპალიტეტის მერიამ, 26 მაისის ქუჩაზე ტროტუარების
მოწყობისა და იუსტიციის სახლის მიმდებარე ტერიტორიის კეთილმოწყობის
სამუშაოებისათვის 26 415 ლარიანი ტენდერი გამოაცხადა.

მარნეულის მუნიციპალიტეტის მერიამ, 26 მაისის ქუჩაზე ტროტუარების მოწყობისა და იუსტიციის სახლის მიმდებარე ტერიტორიის კეთილმოწყობის სამუშაოებისათვის 26 415 ლარიანი ტენდერი გამოაცხადა.


მარნეულში ქვეწარმავლის კბენის ერთი შემთხვევა
დაფიქსირდა.

მარნეულში ქვეწარმავლის კბენის ერთი შემთხვევა დაფიქსირდა.
შინაგან საქმეთა სამინისტროს თბილისის პოლიციის
დეპარტამენტის გლდანი-ნაძალადევის სამმართველოს თანამშრომლებმა,
გლდანში
შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის სამმართველოს თანამშრომლებმა, გლდანში "ორი ნაბიჯის" გაქურდვის და მარკეტში ხანძრის გაჩენის ფაქტზე 1 პირი: 1993 წელს დაბადებული მ.მ. დააკავეს.
ძველ
თბილისში, ყავლაშვილის ქუჩაზე, ორსართულიანი შენობის აივანი და
სახურავი ჩამოიშალა.
ძველ თბილისში, ყავლაშვილის ქუჩაზე, ორსართულიანი შენობის აივანი და სახურავი ჩამოიშალა.
შვილის მკვლელობაში ბრალდებულ არასრულწლოვან
დედასთან სექსუალურ კავშირზე შინაგან საქმეთა სამინისტრომ გამოძიება
დაიწყო.
შვილის მკვლელობაში ბრალდებულ არასრულწლოვან დედასთან სექსუალურ კავშირზე შინაგან საქმეთა სამინისტრომ გამოძიება დაიწყო.
საერთაშორისო უფლებადამცველი ორგანიზაცია
Amnesty International აკრიტიკებს უეფას
საერთაშორისო უფლებადამცველი ორგანიზაცია Amnesty International აკრიტიკებს უეფას