Kür çayı sahilə gənc kişi cəsədi çıxarıb
Xilasedicilərin
bir neçə gündür ki, Kür çayında axtardıqları gənc kişinin cəsədi
gecə saatlarında tapılıb.
Daxili İşlər Nazirliyinin mətbuat xidmətindən
“Interpressnews”a verilən məlumata görə, gənc kişinin cəsədi gecə
saatlarında meyitxanaya aparılıb. Onların bildirdiyinə görə, hadisə
ilə bağlı Cinayət Məcəlləsinin özünü öldürmə həddinə çatdırmanı
nəzərdə tutan 115-ci maddəsi ilə istintaq aparılır.
Xatırladırıq ki, bir neçə gün öncə bir nəfər 112 xidmətinə zəng
vuraraq gənc kişinin özünü Metexi körpüsündən Kür çayına atdığı
barədə məlumat verib. Xilasedicilər həmin gündən cəsədi axtarmağa
davam edirdilər.