ახლოლალოში მამა-შვილმა მეზობელი დედა-შვილი მოკლა
3 ნოემბერს, დაახლოებით საღამოს 10 საათზე, მარნეულის სოფელ
ახლოლალოში დედა-შვილი მოკლეს.
შინაგან საქმეთა სამინისტროს განცხადებით, 1981 წელს დაბადებული ქალი
და მისი 23 წლის შვილი მეზობელმა მამ-შვილმა წარსულში არსებული
უთანხმოების გამო მოკლეს.
„გამოძიებით დადგინდა, რომ ბრალდებულებმა მარნეულის
მუნიციპალიტეტის სოფელ ახლოლალოში, მეზობლად მცხოვრებ დედა-შვილს -
1981 წელს დაბადებულ ზ.ბ.-ს და 1997 წელს დაბადებულ ა.რ.-ს, წარსულში
არსებული უთანხმოების ნიადაგზე, მათივე საცხოვრებელი სახლის
ტერიტორიაზე, ცეცხლსასროლი იარაღებიდან გასროლით სასიკვდილო ჭრილობები
მიაყენეს“ - წერია შსს-ს განცხადებაში
ბრალდებული მამა-შვილი შინაგან საქმეთა სამინისტრომ ცხელ კვალზე
დააკავა. დაკავებული შვილი არასრულწლოვანია.
ნივთმტკიცების სახითაა ამოღებული მკვლელობის იარაღი, სანადირო
თოფი.
მკვლელობის ფაქტთან დაკავშირებით შინაგან საქმეთა სამინისტრომ
გამოძიება საქართველოს სისხლის სამართლის კოდექსის 109-ე მუხლის მე-2
ნაწილის "ე" და მე-3 ნაწილის "ა" ქვეპუნქტით დაიწყო რაც დამამძიმებელ
გარემოებებში ორი პირის მიმართ ჯგუფურად ჩადენილ განზრახ მკვლელობას
გულისხმობს.
დანაშაული 16-დან 20 წლამდე ან უვადო თავისუფლების აღკვეთას
ითვალისწინებს.