შინაგან საქმეთა სამინისტროს ქვემო ქართლის პოლიციის დეპარტამენტის
თანამშრომლებმა, ცხელ კვალზე ჩატარებული ოპერატიულ-სამძებრო და
საგამოძიებო მოქმედებების შედეგად,
4 პირი: 1993 წელს დაბადებული ნ.ა., 1999 წელს დაბადებული ლ.ო. და
წარსულში ნასამართლევები - 1992 წელს დაბადებული ნ.მ. და 1993 წელს
დაბადებული ნ.მ. დააკავეს.
მათ ორი ან მეტი პირის მიმართ ჯგუფურად განხორციელებულ ძალადობაში
ედებათ ბრალი.
დანაშაული 2 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ ბრალდებულებმა მიმდინარე წლის 10 ივნისს,
დმანისში, სიტყვიერი და ფიზიკური შეურაცხყოფა მიაყენეს ნაცნობს - 1982
წელს დაბადებულ ლ.ნ.-ს და მის თანმხლებ პირებს - 1983 წელს დაბადებულ
ე.ნ.-ს და 1984 წელს დაბადებულ რ.მ.-ს.
პოლიციამ ოთხივე ბრალდებული ცხელ კვალზე დააკავა.
გამოძიება საქართველოს სისხლის სამართლის კოდექსის 126-ე მუხლის
პირველი პრიმა ნაწილის „ბ“ და „გ“ ქვეპუნქტებით მიმდინარეობს, რაც ორი
ან მეტი პირის მიმართ ჯგუფურად ჩადენილ ძალადობას გულისხმობს.
წყარო: police.ge