მარნეულში ინსპექტორ-გამომძიებელი ქრთამის აღების გამო დააკავეს
შინაგან საქმეთა სამინისტროს ინფორმაციით, გენერალური ინსპექციის
თანამშრომლებმა, გენერალური პროკურატურის გენერალური ინსპექციის
თანამშრომლებთან ერთად,
ქრთამის აღების ბრალდებით შინაგან საქმეთა სამინისტროს ქვემო-ქართლის
პოლიციის დეპარტამენტის ინსპექტორ-გამომძიებელი დ.ბ. მოსამართლის
განჩინების საფუძველზე დააკავეს.
შსს-ს ცნობით, გამოძიებით დადგინდა, რომ დ.ბ-მ პასუხისმგებლობისაგან
გათავისუფლების სანაცვლოდ სავარაუდო ბრალდებულისაგან ქრთამი აიღო.
ქრთამის აღების ფაქტზე გამოძიება საქართველოს სისხლის სამართლის
კოდექსის 338-ე მუხლის პირველი ნაწილით მიმდინარეობს. დანაშაული 6-დან
9 წლამდე ვადით თავისუფლების აღკვეთას ითვალისწინებს.
რადიო „მარნეული“