სახელმწიფო უსაფრთხოების სამსახურმა ვაქცინაციის ყალბი საბუთის
დამზადების ბრალდებით 7 პირი დააკავა.
სუს-ის ცნობით, 4-მა დაკავებულმა ფაიზერის ვაქცინით აცრის
დამადასტურებელი ყალბი საბუთი დაამზადა, სამმა მათგანმა კი-
სინოფარმის წარმოების ვაქცინის.
“გამოძიებით დგინდება, რომ აღნიშნული პირებიდან ოთხმა
ბრალდებულმა 350 ევროს სანაცვლოდ, შემდგომი გამოყენებისათვის,
საქართველოს მოქალაქეს დაუმზადა და გადასცა კოვიდ 19-ის საწინააღდეგო
ფაიზერის ვაქცინით აცრის დამადასტურებელი ყალბი საბუთი, ხოლო სამმა
პირმა 400 ლარის სანაცვლოდ, შემდგომი გამოყენებისათვის, საქართველოს
მოქალაქეს დაუმზადა და გადასცა კოვიდ 19-ის საწინააღდეგო სინოფარმის
ვაქცინით აცრის დამადასტურებელი ყალბი საბუთი, რა დროსაც მოხდა მათი
დაკავება”, – ნათქვამია სუს-ის განცხადებაში.
უწყების ცნობით აღნიშნულ ფაქტთან დაკავშირებით გამოძიება სისხლის
სამართლის კოდექსის 362-ე მუხლის პირველი ნაწილით მიმდინარეობს.
საქმეს სახელმწიფო უსაფრთხოების სამსახურის ანტიკორუფციული სააგენტო
იძიებს.