ხე-ტყის უკანონო ტრანსპორტირების 14 ფაქტი გამოავლინეს
გარემოსდაცვითი ზედამხედველობის დეპარტამენტის სამეგრელო-ზემო სვანეთის რეგიონული სამმართველოს თანამშრომლებმა ხე-ტყის უკანონო ტრანსპორტირების 14 ფაქტი გამოავლინეს.

წალენჯიხის მუნიციპალიტეტის სოფელ დაბა ჯვარში, გადამოწმების მიზნით შეჩერებული ავტომანქანების ძარაზე ჯამში 190 მ3 პირველადი გადამუშავების პროდუქტი - ფიცარი, 2 მ3 ძელაკი, 3 მ3 ნაგვერდული, 20 მ3 საშეშე მერქანი და 12 ერთეული მრგვალი მორი იყო განთავსებული.

მძღოლებმა ვერ წარმოადგინეს შესაბამისი დოკუმენტაცია.

სამართალდამრღვევების მიმართ შედგა ადმინისტრაციული სამართალდარღვევის შესახებ ოქმები. საქმის მასალები შემდგომი განხილვის მიზნით, შესაბამის რაიონულ სასამართლოებში გადაიგზავნა.

წყარო: report.ge
Print ელ. ფოსტა
FaceBook Twitter Google
მსგავსი სიახლეები
დაიცავი დისტანცია