მარნეულის სოფელ ყიზილაჯლოში ცეცხლსასროლი იარაღით დაჭრილი პირის საქმეზე საგამოძიებო მოქმედებები მიმდინარეობს. ინფორმაცია რადიო „მარნეულს“ შინაგან საქმეთა სამინისტროში დაუდასტურეს.

3 მარტს მარნეულის მუნიციპალიტეტის სოფელ ყიზილაჯლოში კაცი ცეცხლსასროლი იარაღით დაჭრეს. Marneulinews.ge-ს ინფორმაციით, ცეცხლსასროლი იარაღიდან ახალგაზრდა კაცი დაჭრეს, რომელიც კლინიკაშია გადაყვანილი.

რადიო „მარნეულს“ შინაგან საქმეთა სამინისტროში განუცხადეს, რომ საქმესთან დაკავშირებით გამოძიება სისხლის სამართლის კოდექსის 19-108-ე და 236-ე მუხლებით მიმდინარეობს რაც განზრახ მკვლელობის მცდელობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს. რადიო „მარნეულის“ კითხვაზე, დაკავებულია თუ არა სავარაუდო დამნაშავე შსს-ში განმარტავენ, რომ საქმესთან დაკავშირებით საგამოძიებო მოქმედებები მიმდინარეობს.

რადიო „მარნეული“