საქართველოს ეროვნული ნაკრების კაპიტანი, გურამ კაშია, 38 წლის ასაკში 17-წლიანი სანაკრებო კარიერის დასრულებას აცხადებს. ფეხბურთელმა განაცხადა, რომ ივნისში რუმინეთთან ამხანაგურ მატჩში ბოლოჯერ ჩაიცვამს საქართველოს მაისურს — ეს იქნება მისი 129-ე და უკანასკნელი სანაკრებო გამოსვლა.

„მსურდა, ეს გადაწყვეტილება პირადად მეთქვა — საქართველოს ნაკრების გულშემატკივრებისთვის, ჩემი ქომაგებისთვის და მთელი ქვეყნისთვის. 38 წლის ასაკში დადგა დრო, დიდი მადლობა გადაგიხადოთ

და გაცნობოთ ჩემი 17-წლიანი სანაკრებო კარიერის დასრულების შესახებ," — განაცხადა კაშიამ.

კაშია განსაკუთრებით გამოყოფს გუნდთან ერთად მიღწეულ უმთავრეს მიზანს — ევროპის ჩემპიონატზე გასვლას, რასაც მთელი ქვეყნის დიდ ოცნებად მოიხსენიებს. „ამ გზასთან დაკავშირებული თითოეული მომენტი ჩემთვის ისტორიაზე მეტია," — ამბობს ის.

ნაკრების მთავარი მწვრთნელი, ვილი სანიოლი, კაშიას „მონუმენტური ფიგურა" უწოდა ქართული ფეხბურთისთვის და აღნიშნა, რომ ჯაბა კანკავას შემდეგ კაპიტნის არჩევა მისთვის ყველაზე მარტივი გადაწყვეტილება იყო.

„როდესაც ცხოვრების ერთი ნაწილი სრულდება, აუცილებლად იწყება რაღაც ახალი. გისურვებ ყოველივე საუკეთესოს მომავალში," — განაცხადა სანიოლმა.