მარნეულის მუნიციპალიტეტის სპორტულმა სკოლამ შპს “პრაიმ თაიმთან”, სპორტული სკოლის ამსახველი ინფორმაციის გამოქვეყნებისათვის ხელშეკრულება გააფორმა. სპორტულ სკოლასა და მედიაორგანიზაციას შორის გაფორმებული ხელშეკრულების მიხედვით, “პრაიმ თაიმი” ვალდებულია თვეში 5-ჯერ, გამოაქვეყნოს სპორტული სკოლის მიერ მიწოდებული ინფორმაცია.

მარნეულის სპორტულმა სკოლამ “პრაიმ თაიმთან” ხელშეკრულება გამარტივებული წესით გააფორმა. ხელშეკრულების მიხედვით, “პრაიმ თაიმი” ვალდებულია 11 თვის განმავლობაში გამოაქვეყნოს სპორტული სკოლის მიერ მიწოდებული ინფორმაცია - დაგეგმილი ღონისძიებების ანონსი, განცხადებები და ა.შ.

მარნეულის სპორტული სკოლა მედიაორგანიზაციას 2 200 ლარს გადაუხდის. ხელშეკრულების მიხედვით, ერთი თვის განმავლობაში 5 მასალის განთავსების ღირებულება 200 ლარია.

რადიო “მარნეული”