21 ივნისს, საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტმა, ნოვრუზ ბაირამის უქმე დღედ გამოცხადებაზე იმსჯელა.

კახეთში, შირაქის მინხვრებში ნათესები დაიწვა.

საქართველოს პრემიერ-მინისტრის გადაწყვეტილებით, „დეოკუპაციისა და კონფლიქტის მშვიდობიანი მოგვარებისთვის საქართველოს სახელმწიფო სტრატეგიის“ შემუშავებისა და განხორციელების მიზნით სამთავრობო კომისია შეიქმნა.

მარნეულის მერიის საპირფარეშოს რეაბილიტაციისთვის, ადგილობრივმა თვითმმართველობამ ბიუჯეტიდან 1 852 ლარი გამოყო.

19 ივნისს, ბოლნისში მომხდარი მკვლელობის საქმის გამოძიების ფარგლებში, ცეცხლსასროლი იარაღის უკანონო შეძენა-შენახვა-ტარების ბრალდებით, 1991 წელს დაბადებული ი.ჩ. დააკავეს, - ამის შესახებ report.ge-ს შსს-დან აცნობეს.

კახეთში ფერმერები სხვადასხვა ქვეყნიდან ხილის იმპორტის შეჩერებას მოითხოვენ. მათ დღეს საზამთროს და ნესვით დატვირთული მანქანებით ლაგოდეხი-გურჯაანის და ლაგოდეხი-ყვარლის დამაკავშირებელ გზები გადაკეტეს.

ქუთაისში 21 წლის ორსული გარდაიცვალა. ახლგაზრდა ქალი 20 ივნისს მძიმე ტკივილებით საავადმყოფოში სახლიდან გადაიყვანეს. კლინიკაში შეყვანისას შოკურ მდგომარეობაში იყო. მას საკეისრო კვეთა ჩაუტარდა და ექიმებმა ჩვილის გადარჩენა მოახერხეს.

ჟურნალისტი კობა ალხაზიშვილი გარდაიცვალა. როგორც ცნობილია, ავთვისებიანი სიმსივნის დადასტურების შემდეგ ის მკურნალობის კურსს თურქეთში გადიოდა.

Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 11 059 კვლევა ტესტით, მათ შორის 5 205 კვლევა ანტიგენის ტესტით და 5 854 PCR ტესტით.

საქართველოს იუსტიციის სამინისტროს სსიპ – სახელმწიფო სერვისების განვითარების სააგენტომ სრული ზოგადი განათლების დამადასტურებელი სახელმწიფო დოკუმენტის – ატესტატის გაცემა21 ივნისიდან დაიწყო.