მარნეულის მერის რიგგარეშე არჩევნების პირველადი მონაცემები უკვე ცნობილია. ცესკო-ს ვებ გვერდზე 72 უბნის მონაცემები გამოქვეყნდა.

ალგეთში #39 საარჩევნო უბანზე ხმების დათვლის პროცესი 4-ჯერ ჩაიშალა. "ქრისტიან-კონსერვატორების" დამკვირვებლის ზურაბ მურვანიძის თქმით, ხმების დათვლის დროს საარჩევნო ბიულეტენებისა და რეგისტრაციაგავლილი ამომრჩევლის რაოდენობა ერთმანეთს არ ემთხვეოდა.

"ქართული ოცნების" შტაბში ზაურ დარგალის გამარჯვებას უკვე ზეიმობენ. მარნეულში შეკრებილები არიან უმრავლესობის ერთ-ერთი ლიდერი,

„ქართული ოცნების“ მარნეულის მერობის კანდიდატმა ზაურ დარგალმა საკუთარ ფეისბუქ გვერდზე მარნეულელებს უკვე მადლობა გადაუხადა.


მიუხედავად იმისა, რომ ცესკოს ოფიციალურ გვერდზე ამ დროისთვის არცერთი მონაცემი გამოქვეყნებული არ არის, სოციალურ ქსელში გამოქვეყნებული სტატუსიდან გამომდინარე, დარგალი თავს გამარჯვებულად მიიჩნევს.

სტატუსი უკვე 122-მა ფეისბუქ მომხმარებელმა მოიწონა, 41-მა კომენტარი გააკეთა და მიულოცა, 4-მა კი გააზიარა.



სტატუსი უკვე 134-მა ფეისბუქ მომხმარებელმა მოიწონა, 45-მა კომენტარი გააკეთა და მიულოცა, 4-მა კი გააზიარა.

19 მაისის მარნეულის მერის რიგგარეშე არჩევნებში 15 კანდიდატია დარეგისტრირებული. ამჟამად საარჩევნო უბანზე ხმების დათვლა მიმდინარეობს.


არჩევნებში მონაწილეობა 35 714-მა მოქალაქემ მიიღო, რაც ამომრჩეველთა საერთო რაოდენობის 35,82%-ია.

N22 საოლქო კომისიაში შესულია 22 საჩივარი.

ერთიანი ნაციონალური მოძრაობა - გაერთიანებული ოპოზიციის“ შეფასებით, მარნეულში მერის რიგგარეშე არჩევნები განსაკუთრებული დაძაბულობის გარეშე წარიმართა.

საღამოს 8 საათზე მარნეულში ყველა საარჩევნო უბანი დროულად დაიხურა. საარჩევნო კომისიის წევრებმა ბიულეტენების დათვლა დაიწყეს.

მარნეულში 19 მაისს, 20:33 წუთზე ელექტროენერგია 4 წუთით გაითიშა. დღეს მარნეულში მერის რიგგარეშე არჩევნები გაიმართა. საარჩევნო უბნები ნახევარი საათის წინ, 20:00 საათზე დაიხურა და საარჩევნო კომისიებმა ბიულეტენების დათვლა დაიწყო.

მარნეულის მერის რიგგარეშე არჩევნებზე, ცესკო-ს 17:00 საათის მონაცემებით, ხმა 27 998-მა ამომრჩეველმა მისცა.

მარნეულის ყოფილ მერი თემურ აბაზოვი 19 მაისს, მერის რიგგარეშე არჩევნების დღეს, მარნეულში არ ყოფილა და არც მისი მიმდინარეობით არის დაინტერესებული.

„ვერანაირ საფუძველს ვერ ვხედავ უბნის დახურვისა და არც დაიხურება“, - ეს განცახდება მარნეულის საოლქო კომისიის თავმჯდომარემ კობა ასანიძემ N68 უბანთან დაკავშირებით გააკეთა.