“VivaMedi” klinikasından Rustavi həbsxanasına qaytarılan Gürcüstanın üçüncü prezidenti Mixeil Saakaşvili ilk müraciətini yayımlayıb.

Onun məktubunu vəkili Vaxo Baramaşvili ictimailəşdirib.

“İvanişvili hər səhər eyni fikirlə oyanır: "Görüm, bu gün kimə nə pislik edə bilərəm?" – və bu dəfə məni dünən yenidən zindana qaytardı. Əlbəttə, xəbərdarlıq etmədən Rustavi həbsxanasına apardılar, orada isə məhz o adamlar qarşıladılar ki, onlar

məni 2022-ci ilin martında zəhərləmişdilər. O vaxt möcüzə nəticəsində ölümdən xilas oldum və həmin zəhərlənmənin simptomları bu günədək qalıb. “VivaMedi”nin mənim həyatım uğrunda mübarizə aparan həkimlərinə təşəkkür edirəm. Bu qədər məhbusun və bədbəxtliyin fonunda özüm üçün heç bir xüsusi simpatiya istəmirəm.

Məni niyə məhz indi cəlladların yanına qaytardılar? Birincisi, çoxsaylı tərəfdarlarımı qorxutmaq istəyirlər. İkincisi, bu, Qərbə və Ukraynaya konkret bir siqnaldır, çünki mən hələ də Zelenskinin islahatlar şurasının sədri kimi orada qeydiyyatdayam. Məsələ ondadır ki, İvanişvili bir vaxtlar mənim həyatımı qorumaq öhdəliyini götürmüşdü, indi isə bu addımı ilə avropalılara və amerikalılara bildirir ki, bu vəd, digər bütün vədlər kimi, artıq qüvvədə deyil.

Əminəm ki, bütün bunlar Moskva ilə razılaşdırılıb. Məsələ ondadır ki, mən dünya üçün postsovet məkanında ən uğurlu islahatların, eləcə də Gürcüstanın azadlığı və dövlətçiliyinin rəmziyəm. Gürcüstanın azadlığını və müstəqilliyini məhv edirlər və eyni zamanda məni də məhv edirlər. Bu gün insanlara bir daha demək istəyirəm: heç bir halda təslim olmayın və mübarizə aparın, çünki bizim qələbəmiz qaçılmazdır. Qoy azadlıq yaşasın”, –  Saakaşvili yazır.

Onun Rustavi həbsxanasına qaytarılması barədə məlumatı Penitensiar Xidmət noyabrın 12-də yayıb.

“Gürcüstan qanunvericiliyinə əsasən, mülki sektora aid xəstəxanadan məhkumun penitensiar müəssisəyə qaytarılması, onun sağlamlıq vəziyyəti nəzərə alınmaqla, müalicə edən həkimin qərarı əsasında həyata keçirilir. Məhkum Mixeil Saakaşvilinin sağlamlıq vəziyyəti qənaətbəxş olduğuna və artıq stasionar müalicəyə ehtiyacı qalmadığına görə, o, mülki klinikadan çıxarılaraq N12 penitensiar müəssisəsinə qaytarılıb və orada ümumi qaydada cəzasını çəkməyə davam edəcək,” – deyə Penitensiar Xidmətdən bildirilib.

Mixeil Saakaşvili müalicə məqsədilə 2022-ci il mayın 12-də “VivaMedi” klinikasına köçürülmüşdü.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.