Dövlət Departamentinin baş məsləhətçisi Conatan Askonası rəhbərlik etdiyi, ABŞ Dövlət Departamentinin nümayəndə heyəti “Gürcü Arzusu” hökumətinin Administrasiyasının rəhbəri Levan Jorjoliani ilə görüşüb.

Hökumətin yaydığı məlumata görə, Levan Jorjolianinin sözlərinə görə, “Gürcüstan hökuməti ABŞ-la münasibətlərin bu gün mövcud olan səviyyəsindən razı deyil və bir daha təsdiqləyir ki, strateji tərəfdaşlığın təzə səhifədən, konkret yol xəritəsi əsasında yenilənməsinə hazırdır”.

“Görüş

zamanı diqqət Gürcüstan hökumətinin ölkənin tranzit və əlaqəlilik funksiyasının gücləndirilməsi istiqamətində atdığı addımlara yönəldi. Levan Jorjolianı ABŞ tərəfinə bu funksiyanın inkişafı məqsədilə hökumətin dəmir yolu, avtomobil yolu və liman infrastrukturuna yatırdığı mühüm investisiyalar barədə məlumat verdi”.

ABŞ Dövlət Departamentinin nümayəndəsi (baş məsləhətçi) Conatan Askonası Gürcüstanın “beynəlxalq sülh və rifah üçün Trampın Marşrutu”na (TRIPP) necə dəstək verə biləcəyini müəyyənləşdirmək üçün Gürcüstanda olub.

Levan Jorjolianı ilə görüşdə də Gürcüstanın bu məsələyə münasibəti müzakirə edildi.

“Qeyd olundu ki, “beynəlxalq sülh və rifah üçün Trampın Marşrutu”nun (TRIPP) region üçün mümkün müsbət təsiri ABŞ tərəfindən yük daşımalarının təhlükəsizliyi üzrə təminatların yaradılması baxımından önəmli ola bilər. Görüşdə həmçinin Tramp administrasiyasının regionda sülhün bərqərar olunması istiqamətində səylərinin əhəmiyyəti vurğulandı. Bundan əlavə, Ermənistan və Azərbaycan arasında münasibətlərin normallaşması baxımından Gürcüstanın rolu da müsbət qiymətləndirildi”, – deyə hökumət administrasiyasının yaydığı məlumatda bildirilir.

Görüşdə Xarici İşlər nazirinin müavini Aleksandre Xvitsiaşvili və ABŞ-ın Gürcüstandakı səfirinin səlahiyyətlərini icra edən Alan Perksel də iştirak ediblər.
Conatan Askonası Sadaxlı gömrük-keçid məntəqəsində olub.

Ermənistan və ABŞ arasında strateji tərəfdaşlığın gücləndirilməsi və “beynəlxalq sülh və rifah üçün Trampın Marşrutu” (TRIPP) barədə müzakirə üçün 17 noyabrda, İrəvanda ABŞ dövlət katibinin siyasi məsələlər üzrə müavini Elison Huker olub və Ermənistanın Baş naziri Nikol Paşinyanla görüşüb.
Ermənistanın Baş naziri Nikol Paşinyan ABŞ nümayəndə heyətini – dövlət katibinin müavini Elison Hukerin rəhbərlik etdiyi heyəti qəbul edib.

2025-ci il avqustun 8-də ABŞ prezidenti Donald Trampın təşəbbüsü ilə Vaşinqtonda Azərbaycan və Ermənistan liderlərinin iştirakı ilə sülh sammiti keçirilib və burada üçtərəfli və ikitərəfli sazişlər imzalanıb. Həmin sammitdə “beynəlxalq sülh və rifah üçün Trampın Marşrutu” (TRIPP) adlı nəqliyyat dəhlizi layihəsi elan edilib.

Gürcüstan–ABŞ münasibətləri qısa şəkildə
• ABŞ Gürcüstanla çoxillik strateji tərəfdaşlığı 2024-cü ilin noyabrında dayandırdı;
• Bundan əvvəl “agentlər haqqında qanun” və “Gürcü Arzusu” rəsmilərinin Qərb əleyhinə, saxta ittihamlarla dolu ritorikası səbəbindən ABŞ Gürcüstan hökumətini dəfələrlə Avropa və Avroatlantik inteqrasiya yoluna qayıtmağa çağırmışdı;
• Strateji tərəfdaşlığın dayandırılması barədə qərarı Dövlət Departamenti 2024-cü il 30 noyabrda açıqlayıb; iki gün öncə isə “Gürcü Arzusu” hökuməti 2028-ci ilin sonunadək Avropa İttifaqına üzvlük danışıqlarının açılması məsələsini gündəmə çıxarmayacağını bildirmiş və bununla bağlı keçirilən etiraz aksiyalarının iştirakçılarına qarşı güc tətbiq etməyə başlamışdı;
• Vaşinqton “Gürcü Arzusu”nun qurucusu Bidzina İvanişviliyə və hakimiyyətin müxtəlif qollarından bir çox rəsmiyə sanksiya tətbiq edib;
• “Gürcü Arzusu” hökumətinin ümidi var idi ki, prezident Bayden administrasiyasının siyasətini prezident Tramp dəyişəcək;
• 13 may 2025-ci ildə “Gürcü Arzusu”nun hökumət başçısı İrakli Kobaxidze ABŞ prezidenti Donald Trampa və vitse-prezident Cey Di Vensə açıq məktubla müraciət edib;
• 28 mayda ABŞ səfirliyi bildirib ki, “Gürcü Arzusu”nun fəxri sədri Bidzina İvanişvili səfir Robin Daniganla görüşdən imtina edib; həmin görüşdə ona Tramp administrasiyasının mesajı çatdırılmalı idi. İvanişvili cavab məktubunda səfirliyin bəyanatını “anlaşılmayan” adlandırıb;
• 1 sentyabrda “Gürcü Arzusu” tərəfindən nəzarət olunan mübahisəli parlamentdə kollegiya tərəfindən prezident seçilmiş Mixeil Kavelaşvili də Donald Trampa məktub yazıb.

 

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---