Qiorqi Qaxarianın “Qaxaria Gürcüstan üçün” partiyası 2024-cü ilin noyabr–dekabr aylarında Gürcüstanda keçirilən

toplantılar və aksiyalar zamanı hüquq-mühafizə orqanlarının vəzifəli şəxsləri və əməkdaşları tərəfindən istifadə olunan xüsusi vasitələrin qanuniliyini araşdıracaq parlamentin müvəqqəti istintaq komissiyasının yaradılmasını təşəbbüsünü irəli sürüb.

Partiyanın açıqlamasına görə, istintaq komissiyası vətəndaşlara araşdırmanın obyektivliyini şəxsən qiymətləndirmək, onları narahat edən suallara cavabları canlı yayımda dinləmək imkanı verən yeganə mexanizmdir.

“Beynəlxalq mediada ‘Gürcü Arzusu’ rejimi tərəfindən qanunla qadağan olunmuş kimyəvi maddənin dinc nümayişçilərə qarşı istifadə edilməsi ilə bağlı yayılan məlumatlar cəmiyyətdə haqlı hiddət və etiraz doğurdu, ‘Gürcü Arzusu’nda isə tam panika və isterika yaratdı. Bu isə onların günahkarlığı barədə şübhələri daha da gücləndirir. Söhbət o qədər ağır mümkün cinayətdən gedir ki, artıq bu iş üzrə müstəqil və qərəzsiz istintaqın başlanması tələbi gündəmə gəlir. Xalq bilməlidir: qeyri-qanuni kimyəvi maddənin suya qatılması barədə əmri konkret olaraq kim verib? Bu, sistemli cinayət idi, yoxsa hansısa vəzifəli şəxsin fərdi qanunsuzluğu nəticəsində çoxsaylı nümayişçilərin həyatı və sağlamlığı risk altına atıldı?” — deyə partiyanın bəyanatında qeyd olunur.

Qaxarianın partiyasının bildirdiyinə görə, müstəqil istintaqın aparılması zərurəti təkcə günahkarların müəyyən edilməsi və oxşar ağır cinayətlərin qarşısının alınması ilə deyil, eyni zamanda zərərçəkmiş vətəndaşların sağlamlığı üçün risklərin vaxtında aşkarlanması və onların həyati maraqlarının qorunması ilə də bağlıdır.

Dekabrın 1-də BBC jurnalist araşdırması dərc edib. Araşdırmaya əsasən, ötən il hökumət əleyhinə etiraz aksiyaları zamanı nümayişçilərə qarşı ehtimal ki, Birinci Dünya Müharibəsi dövrünə aid kimyəvi silahdan istifadə olunub.

“Gürcü Arzusu” BBC-nin yaydığı məlumatları təkzib edir və qadağan olunmuş maddənin istifadə edilmədiyini bildirir. Lakin bu günədək ötən il nümayişçilərə qarşı konkret olaraq hansı maddənin istifadə edildiyini açıqlamır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.