Marneuli meriyası ictimai məktəblərin reabilitasiyası və yeni infrastrukturun qurulması üçün layihə-smeta sənədlərinin hazırlanması məqsədilə bazar araşdırması elan edib.
Sənədlərə əsasən, araşdırma bələdiyyənin yeddi ictimai məktəbini əhatə edir, satınalmanın təxmini ümumi dəyəri isə 1 920 000 laridir.

Bazar araşdırması çərçivəsində Kürtlər kənd ictimai məktəbində yeni tədris korpusunun layihələndirilməsi, mövcud binanın bərpası, həmçinin idman və süni örtüklü meydançaların qurulması planlaşdırılır. Algeti kənd məktəbində isə yeni tədris korpusunun tikintisi və mövcud binanın bərpası layihəsi hazırlanacaq.

Marneuli şəhərinin Candar qəsəbəsindəki ictimai məktəb üçün idman zalı, yeməkxana, yeni tədris korpusu, kitabxana və inzibati sahələrin, eləcə də həyətin abadlaşdırılmasının layihələndirilməsi nəzərdə tutulur. Sabirkənd 1 saylı ictimai məktəbində isə bufet tikintisi və tədris korpusunun qismən bərpası layihəsi hazırlanacaq.

Şulaver 2 saylı ictimai məktəbində yeni tədris korpusu, idman zalı, kitabxana, yeməkxana, inzibati sahələr, xarici işıqlandırma və həyətin abadlaşdırılmasının layihələndirilməsi planlaşdırılır.

Qızılhacılı 1 saylı məktəbində idman zalının tikintisi, mövcud binanın bərpası və xarici infrastrukturun nizamlanması layihəsi hazırlanacaq. Kirovka kənd ictimai məktəbində isə kiçik bufet tikintisi, mövcud binanın bərpası və həyətin abadlaşdırılmasının layihələndirilməsi nəzərdə tutulur.

Bazar araşdırması başa çatdıqdan sonra bələdiyyə tender elan edəcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.