"Qırmızı Körpü – Tsalka – Axalkalaki" magistral qaz kəmərində planlaşdırılan yenidənqurma və bərpa işləri ilə əlaqədar olaraq,

bu gün, iyulun 6-sı səhər saat 06:00-dan etibarən təbii qazın verilməsi rəsmi şəkildə dayandırılıb.

Qaz təchizatının məhdudlaşdırılması iyulun 9-u saat 09:00-dək davam edəcək və Kvemo Kartli miqyasında Marneuli, Bolnisi və Dmanisi bələdiyyələrini əhatə edir. Siyahı belədir:

Marneuli bələdiyyəsi - 72 yaşayış məntəqəsinin (o cümlədən Marneuli şəhəri daxil olmaqla, qazın mərhələli şəkildə bərpası planlaşdırılır) qazı kəsilib;
Dmanisi bələdiyyəsi - məhdudiyyət 34 yaşayış məntəqəsinə (Dmanisi şəhəri daxil olmaqla) təsir edib;
Bolnisi bələdiyyəsi - 31 yaşayış məntəqəsi (Bolnisi şəhəri və Kazreti qəsəbəsi daxil olmaqla) təbii qazsız qalıb.

Şirkətin məlumatına görə, təbii qazın verilməsinin bərpasına iyulun 9-u saat 09:00-dan etibarən mərhələli şəkildə başlanılacaq və günün sonunadək tam təmin olunacaq.

"SOCAR Georgia Gas" təhlükəsizlik normalarına riayət olunması üçün abonentləri qaz təchizatı bərpa olunana qədər bütün qaz cihazlarını və kranlarını qapalı vəziyyətdə saxlamağa çağırır.