Kutaisidə, texnologiya mərkəzinə (IT Hub) çevrilməsi planlaşdırılan keçmiş parlament binasında açılış mərasimi keçiriləcək.

IT Hub-un açılış tədbirinin təşkili üçün 515 008 lari xərclənəcək. Gürcüstanın İnnovasiyalar və Texnologiyalar Agentliyi bu məqsədlə "Vanilla Event" MMC ilə tender keçirilmədən, birbaşa satınalma yolu ilə müqavilə bağlayıb.

Bu məbləğ qarşılığında sifarişçi aşağıdakı "kreativ konsepsiyanın" həyata keçirilməsini tələb edir:
• 200 drondan ibarət, 8–10 vizual kompozisiyanı əhatə edən, 10–15 dəqiqəlik dron şousu;
• Video məzmununun konsepsiyasının, ssenarisinin və storibordunun hazırlanması;
• Videoçarxların çəkilişi və post-produksiya işləri;
• Çıxış edəcək spikerlərin nitqlərinin strukturunun və ssenarisinin hazırlanması;
• Tədbirin tam şou-ssenarisinin dəqiqələr üzrə işlənib hazırlanması;
• Tədbirin texniki və vizual rejissorluğu;
• Tədbirin videoya çəkilməsi və sonrakı video materialların hazırlanması;
• 50 qulaqcıqla sinxron tərcümə xidmətinin təmin edilməsi;
• Birbaşa televiziya yayımının təşkili (eyni zamanda sosial şəbəkələrdə canlı yayım);
• Sifarişçi ilə razılaşdırılmaqla, ən azı 400 nəfər üçün yüksək standartlara uyğun furşet təşkil edilməsi.

Tədbirin iyulun 20-də saat 15:00-da keçirilməsi planlaşdırılır.

Gürcüstan hökuməti Kutaisidəki keçmiş parlament binasında texnologiya mərkəzini hələ 2025-ci ildə açmağı planlaşdırırdı. Bu məqsədlə İqtisadiyyat Nazirliyinin büdcəsindən 12 milyon lari ayrılmışdı. IT Hub-un yaradılması ideyası "Gürcü Arzusu" hökumətinin baş naziri İrakli Kobaxidzenin sələfi, hazırda həbsdə olan İrakli Qaribaşviliyə məxsus idi.

Kutaisidə yerləşən keçmiş Parlament binası uzun illərdir istifadəsiz qalıb. Şəffaf memarlıq üslubunda inşa edilmiş bu bina Mixeil Saakaşvilinin prezidentliyi dövründə tikilmişdi.

Bu binada tam şəkildə yalnız 2012-ci il çağırışlı parlament fəaliyyət göstərib. Daha sonra isə qanunverici orqan işini yalnız Tbilisidə, Rustaveli prospektində yerləşən parlament binasında davam etdirib.

 

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.