Prokurorluğun iyulun 15-də yaydığı məlumata görə, məhkəmə "faşist-nasist ideologiyasını mənimsəmiş qruplaşmanın üzvləri" olan səkkiz təqsirləndirilən şəxsə, onlardan beşi yetkinlik yaşına çatmayan olmaqla, uzunmüddətli həbs cəzası verib.

Qərarı Tbilisi Şəhər Məhkəməsi qəbul edib.

Onlar "dözümsüzlük motivi ilə törədilmiş mütəşəkkil işgəncə, qrup halında cinayət əməllərinin təşkil edilməsi, həmin əməllərdə iştirak və qrup halında quldurluq" ittihamları üzrə təqsirli biliniblər.

Onlara hansı ittihamlar irəli sürülüb?
İttiham tərəfinin məhkəmə tərəfindən qəbul edilmiş mövqeyinə əsasən, təqsirləndirilən şəxslər:

• Öz ideologiyalarına görə qəbul etmədikləri həyat tərzinə malik şəxslərə, o cümlədən yetkinlik yaşına çatmayanlara qarşı zorakılıq aktları təşkil ediblər;
• Özlərindən fərqli baxışlara malik şəxsləri aşkar edib cəzalandırmaq məqsədilə, dözümsüzlük zəminində əvvəlcədən seçilmiş qurbanlara mütəşəkkil şəkildə və qrup halında hücum ediblər;
• Qurbanları alçaldıb, onlara fiziki və psixoloji zorakılıq göstərib, işgəncə veriblər;
• Bir çox hallarda zorakılığı əks etdirən videogörüntülər çəkərək onları müxtəlif sosial şəbəkələrdə və qapalı qruplarda yayıblar;
• Bəzi hallarda isə zərərçəkmişlərin şəxsi əşyalarını da əllərindən alıblar.
Prokurorluq bu açıqlamada digər təfərrüatları, o cümlədən təqsirləndirilən şəxslərin kimliyini açıqlamayıb.
Onlara müxtəlif müddətlərə azadlıqdan məhrumetmə cəzası verilib. Belə ki:
• İki yetkinlik yaşına çatmış təqsirləndirilən şəxs 14 il müddətinə azadlıqdan məhrum edilib;
• Bir yetkinlik yaşına çatmış şəxsə 8 il həbs cəzası verilib.
Yetkinlik yaşına çatmayan təqsirləndirilən şəxslərə gəldikdə isə, Yetkinlik Yaşına Çatmayanların Ədliyyəsi Məcəlləsinin tələbləri nəzərə alınaraq onlara tətbiq edilən standart cəzalar azaldılıb və nəticədə:
• Bir yetkinlik yaşına çatmayan şəxs 10 il 6 ay;
• İki yetkinlik yaşına çatmayan şəxs hər biri 9 il 4 ay;
• Bir yetkinlik yaşına çatmayan şəxs 6 il;
• Daha bir yetkinlik yaşına çatmayan şəxs isə 5 il 4 ay müddətinə azadlıqdan məhrum edilib.

Gürcüstan Daxili İşlər Nazirliyi vaxtaşırı olaraq "neonasist" və ya "faşist" qruplaşmalarının üzvlərinin saxlanılması barədə məlumat yayır.
Məsələn, 2026-cı il martın 30-da 13 nəfər, o cümlədən 7 yetkinlik yaşına çatmayan şəxs saxlanılıb.

İstintaqın məlumatına görə, onlar müxtəlif yaş qruplarına aid şəxslərə, o cümlədən yetkinlik yaşına çatmayanlara "xüsusi amansızlıqla" hücum edirdilər.

Bundan əvvəl, 2026-cı il yanvarın 16-da polisin 16 nəfəri, o cümlədən 10 yetkinlik yaşına çatmayan şəxsi saxladığı məlum olmuşdu.

Daha əvvəl isə, 2025-ci ilin iyul ayında başqa bir qrup şəxs 15 yaşlı oğlana qarşı zorakılıq etmişdi. Həmin iş üzrə 9 təqsirləndirilən şəxsə, o cümlədən 6 yetkinlik yaşına çatmayan şəxsə 2025-ci il dekabrın 30-da həbs cəzası verilmişdi.

 

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.