Berlində Azərbaycan Prezidenti İlham Əliyev və Almaniya kansleri Fridrix Mertsin birgə mətbuat konfransında jurnalistlər Ukraynada davam edən müharibə ilə bağlı da suallar veriblər.

Alman jurnalist Mertsdən Bakıda alman və rusiyalı keçmiş yüksək vəzifəli şəxslərin mümkün qeyri-rəsmi görüşü barədə yayılan məlumatlara münasibət bildirməsini, Əliyevdən isə Vladimir Putinə müharibənin başa çatması üçün nə tövsiyə edəcəyini soruşub.

Fridrix Merts bildirib ki, sözügedən görüş barədə məlumatı olmayıb və bir daha vurğulayıb ki, müharibənin başa çatması yalnız Rusiya hakimiyyətinin qərarından asılıdır.

“Bu müharibənin başa çatması yalnız Rusiya hökumətinin və prezidentinin iradəsindən asılıdır. Müharibə davam etdiyi müddətdə Rusiyanın təcavüzünə qarşı mübarizədə Ukraynanı dəstəkləməkdən başqa seçimimiz yoxdur”, – deyə Almaniya kansleri bildirib.

İlham Əliyevin sözlərinə görə, Azərbaycan hakimiyyəti Bakıda baş tutduğu iddia edilən gizli görüş barədə yalnız mediadan xəbər tutub.

“Biz bu barədə The Times qəzetindən öyrəndik. Məlumatı yoxladıq və məlum oldu ki, məqalədə adı çəkilən şəxslər həmin dövrdə həqiqətən də Bakıda olublar. Almaniyadan Ronald Pofalla və Matias Platsek, Rusiyadan isə Viktor Zubkov və Valeri Fadeyev gəliblər. Həm Almaniya, həm də Rusiya tərəfindən bu görüş barədə bizə heç bir məlumat verilməyib. Deməli, ərazimiz bizim xəbərimiz olmadan istifadə olunub. Görüşün baş tutduğunu təsdiq edə bilmərəm, lakin uçuş məlumatları belə bir gizli görüşün keçirildiyini ehtimal etməyə əsas verir. Əgər bu görüş Rusiya–Ukrayna müharibəsinin başa çatmasına gətirib çıxaracaqsa, biz bunu yalnız alqışlaya bilərik”, – deyə Əliyev bildirib.

Bu məlumatı ilk dəfə Almaniyanın Die Zeit nəşri və ARD telekanalının araşdırma proqramı Kontraste yayıb.

Die Zeit-ın araşdırmasına görə, Almaniyanın keçmiş yüksək vəzifəli şəxsləri – Angela Merkelin keçmiş kansler aparatının rəhbəri Ronald Pofalla və Matias Platsek Bakıda gizli şəkildə Kremlə yaxın rusiyalı nümayəndələrlə, o cümlədən Qazpromun Müşahidə Şurasının sədri, Rusiyanın keçmiş baş naziri Viktor Zubkov və Valeri Fadeyevlə görüşüblər.

Nəşrin məlumatına görə, bu cür görüşlər 2024-cü ildən etibarən bir neçə dəfə Bakıda və Əbu-Dabidə keçirilib.

Almaniyanın təhlükəsizlik xidmətləri bu görüşləri Almaniyanın siyasətinə təsir göstərmək məqsədi daşıyan Rusiya təsir əməliyyatı kimi qiymətləndirirlər.
Die Zeit-ın məlumatına görə, Rusiya tərəfi alman iştirakçılara belə bir mesaj çatdırmağa çalışıb: Ukraynada müharibə yalnız Rusiyanın şərtləri əsasında başa çata bilər və müharibədən sonra Almaniya–Rusiya münasibətlərinin normallaşdırılması məsələsi müzakirə edilməlidir.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.