Ağ Evin Çin mallarına tətbiq edilən ABŞ tariflərindən yayınma ilə bağlı yeni hesabatında Gürcüstanın adının hallanmasına Tbilisi konkret faktların təqdim olunması tələbi ilə cavab verib.

"Gürcü Arzusu" hökumətinin başçısı İrakli Kobaxidze avqustun 18-də Hökumət Administrasiyasında keçirilən brifinqdə jurnalistlərin sualını cavablandırarkən bildirib:

"Orada hər hansı konkret fakt varmı? Mən hər hansı konkret faktın olduğuna inanmıram... Biz adətən

faktlar tələb edirik, lakin sonradan bizə fakt təqdim edə bilmirlər".

"Heç bir sxemin olmaması üçün hər şeyi edirik"

Jurnalistin "Ağ Ev bunu faktlara əsaslanaraq yazardı" replitikasına cavab olaraq Kobaxidze deyib:

"Yazardı? Niyə? Müxtəlif tərəflər tez-tez faktlara əsaslanmadan çox şey yazıblar. Bu baxımdan belə nəticələr çıxarmayın. Bəzən faktlara əsaslanaraq bir şey yaza bilərlər, bəzən də faktlara əsaslanmadan yaza bilərlər... Ağ Evə kimsə qəsdən yanlış məlumat verə bilər".

O, analoji məlumatlar dərc olunarkən faktlar tələb etmələrinin "standart vəziyyət" olduğunu və "sonradan fakt təqdim edə bilmədiklərini" bir daha təkrar edib.

"Biz ölkədə heç bir sxemin mövcud olmaması üçün hər şeyi edirik. İstənilən məsələ ilə bağlı bizə fakt təqdim etsinlər, reaksiya da verəcəyik", – deyə o bildirib.

Ağ Ev tərəfindən avqustun 13-də dərc olunmuş "Böyük tranzit dələduzluğu" başlıqlı hesabatda Çinə tətbiq edilən ABŞ tariflərindən "yayınma" məsələsindən bəhs edilir və 40-a yaxın ölkə arasında Gürcüstanın da adı tariflərdən yayınma marşrutu kimi çəkilir.

ABŞ Prezidenti administrasiyasının məlumatına görə, ABŞ-də yüksək tariflərə məruz qalan Çin malları əvvəlcə digər ölkələrə satılır, daha sonra məhsulların mənşəyi dəyişdirilir və bundan sonra mallar ABŞ-yə daha ucuz qiymətə daxil olur. Gürcüstan da məhz bu "üçüncü ölkələr" siyahısına düşüb.

Eyni siyahının "iri" kateqoriyasında Avropa İttifaqı, Kanada və İsrail yer alır. Tam siyahıda Gürcüstanla yanaşı "Orta Dəhliz" marşrutunun digər dövlətləri – Qazaxıstan, Özbəkistan və Azərbaycan, həmçinin Türkiyə də var.

2025-ci ilin məlumatlarına görə, Gürcüstana Çindən 1.98 milyard dollar dəyərində məhsul idxal edilib, Gürcüstandan ABŞ-yə isə bunun yalnız 6%-i, yəni 120 milyon dollar dəyərində mal ixrac olunub.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---