"Mən bu bəyanatı gördüm, söhbətin nə dən getdiyini bilmirəm. Bildiyim bir şey var ki, konkret hökm çıxarılıb, qalanı isə tamamilə hüquq-mühafizə organlarının işidir".

"Gürcü Arzusu" hökumətinin Baş naziri İrakli Kobaxidze hazırda həbsdə olan keçmiş Baş nazir İrakli Qaribaşvilinin avqustun 17-də cəzaçəkmə müəssisəsindən dərc etdiyi məktubla bağlı suallara belə cavab verib.

İrakli Qaribaşvili "Facebook" səhifəsində yazıb ki, "Bidzina İvanişvilinin tapşırığı ilə" ona bir məktub göndərilib və həmin məktubda ona məlum olmayan korrupsiya cinayətini "etiraf etmək" təklif olunub.

İrakli Kobaxidzenin sözlərinə görə, o, İrakli Qaribaşvilinin hansı məktubdan bəhs etdiyini bilmir. O bildirir ki, keçmiş Baş nazirin yaydığı məktubla bağlı Bidzina İvanişvili ilə danışmayıb:

"Biz bu məsələni mahiyyəti üzrə müzakirə etməmişik. Dünən [Bidzina İvanişvili ilə] müxtəlif məsələlərlə bağlı əlaqəmiz oldu, məktubun dərc olunmasından sonra idi, yoxsa əvvəl – xatırlamıram, lakin bu məsələni müzakirə etmədik. Bəlkə də dərc olunmazdan əvvəl əlaqəmiz olub. Hər halda, biz bu mövzunu müzakirə etməmişik".

İrakli Kobaxidze keçmiş Baş nazirin ailəsinin təhlükəsizliyinin risk altında olması barədə bəyanatına cavab olaraq bildirir ki, bunun "nəzəri ehtimalı" belə yoxdur:

"Mən zəmanət verirəm ki, bu təhlükəsizlik qorunur və elə buna görə də dünən dərc olunan bu məktub, bu bəyanat mənim üçün anlaşılan deyil. Təbii ki, həm onun, həm də ailəsinin təhlükəsizliyi tam şəkildə qorunur. Bu, dövlətin məsuliyyətidir.
[Onun] ailəsinin təhlükəsizliyi niyə təhlükə altında olmalıdır? İrakli Qaribaşvilinin ailəsi üçün niyə təhlükə yarana biləcəyinə dair hər hansı nəzəri variant təsəvvür edə bilirsinizmi? Mən nəzəri olaraq belə təsəvvür edə bilmirəm ki, hansı risk ola bilər... Bu, absurddur".

Onun sözlərinə görə, İrakli Qaribaşvilinin avqustun 17-də dərc olunmuş məktubunda hansı korrupsiya cinayətini etiraf etməyə məcbur edilməsindən bəhs olunduğu məlum deyil:

"Bilmirəm. Bu, hüquq-mühafizə orqanlarının işidir. Onlar bütün bunlara cavab verəcəklər. Əgər hər hansı başqa iş varsa, bu məlumatı onlardan ala bilərsiniz".

"İrakli Kobaxidzenin hüquq-mühafizə orqanlarından İrakli Qaribaşvilinin hansı cinayətin etirafından bəhs etdiyini soruşub-soruşmadığı" ilə bağlı jurnalistin sualına o, belə cavab verib:

"Hüquq-mühafizə orqanlarının fəaliyyətinə həddindən artıq müdaxilə etmək doğru deyil... Maraqlana bilərik, lakin bizim hüquq-mühafizə orqanlarının fəaliyyətinə inamımız var. Əgər başqa bir cinayətin əlamətləri olarsa, buna görə onlar məsuliyyət daşıyacaqlar və əsas odur ki, bu, cəmiyyət üçün şəffafdır. Əgər конкрет bir şəxsə qarşı yeni ittiham irəli sürülərsə, bu şəffaf olacaq və cəmiyyət bunu öyrənəcək. Əsas olan budur. Mən bu və ya digər hüquq-mühafizə organının hər hansı artıq təsir altına düşməməsi üçün belə məsələlərlə qəsdən həddindən artıq maraqlanmıram".

İrakli Kobaxidzenin sözlərinə görə, Qaribaşvilinin gələcək olası siyasi planları haqqında məlumatının olub-olmaması ilə bağlı "Azadlıq Radiosu"nun sualına cavab verərkən o bildirib ki, "şəxs korrupsiya cinayətini etiraf etdiyi halda, hansı siyasi planlardan söhbət gedə biləcəyi" ona da məlum deyil.

Avqustun 17-də dərc olunmuş məktubun əsas mesajları

Həbsdə olan keçmiş Baş nazir İrakli Qaribaşvili "Facebook"da yazıb ki, "bu gündən etibarən onun və ailəsinin təhlükəsizliyinə görə tam məsuliyyət Bidzina İvanişvili və bütün hakimiyyətin üzərinə düşür".

Qaribaşvili iddia edir ki, "Gürcü Arzusu"nun fəxri sədri Bidzina İvanişvilinin tapşırığı ilə ona məktub göndərilib və ona məlum olmayan korrupsiya işi üzrə etirafedici ifadə vermək təklif olunub.

"Azadlığa çıxdıqdan sonra siyasətə yaxınlaşmamalısan", – Qaribaşvilinin bəyanatına əlavə edilmiş məktubun fotosunda yazılıb. Məktəbə əsasən, etiraf edəcəyi təqdirdə ona kəsilmiş 5 illik həbs müddəti artırılmayacaq.

Qaribaşvili təklif olunan şərti onun və ailəsinin "məhv edilməsi üzrə çirkli plan" kimi qiymətləndirir və ictimaiyyətə söz verir ki, avqustun 18-də insanlara "həqiqəti" təqdim edəcək.

Qaribaşvili 2026-cı il yanvarın 12-dən etibarən 5 illik həbs cəzasını çəkir – o, qanunsuz gəlirlərin leqallaşdırılmasında (çirkli pulların yuyulmasında) təqsirli bilinib və onunla prosessual razılaşma (plea bargain) bağlanıb: həbs cəzasından əlavə, ona 1 milyon lari cərimə, iki avtomobilin müsadirəsi və 6.5 milyon ABŞ dolları məbləğində vəsaitin müsadirə olunması cəzası kəsilib.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---