TI: “Gürcü Arzusu”na ümumilikdə 1,5 milyon laridən çox ianə edən 8 şirkət Batumidə keçirilən hərraclarda qalib gəlir
Batumi meriyası, Acarıstan hökuməti kimi, bələdiyyə əmlakını rəqabətsiz şəkildə satır. Bu hərraclarda qalib gələn səkkiz şirkətin direktorları, hazırkı və keçmiş sahibləri müxtəlif vaxtlarda “Gürcü Arzusu”na ümumilikdə 1 536 000 lari ianə ediblər. Hərraclarda qalib gələn şirkətlər dövlət satınalmalarından 4 milyon lariyə yaxın gəlir əldə ediblər.

“Beynəlxalq Şəffaflıq – Gürcüstan” təşkilatı 2025-ci il yanvarın 1-dən bu günədək Batumi

meriyası tərəfindən bələdiyyənin daşınmaz əmlakının özəlləşdirilməsi məqsədilə təşkil olunan elektron hərracları araşdırıb. Bu müddət ərzində meriya ümumilikdə 118 elektron hərrac elan edib. Onlardan 60-ı iştirakçı olmadığı üçün baş tutmayıb.

Nəticədə, həmin hərraclarda satışa çıxarılan əmlak satılmayıb. Bir hərrac Batumi meriyası tərəfindən dayandırılıb və 2,5 ay sonra dəyişdirilməyən şərtlərlə yenidən elan edilib. Həmin hərracda “Pontus Gonio” MMC rəqabətsiz şəkildə qalib gəlib.

Qaliblərin müəyyən edildiyi 57 baş tutmuş hərracdan 52-si rəqabətsiz keçirilib. Bu hərraclarda satışa çıxarılan daşınmaz əmlak ilkin özəlləşdirmə qiymətindən cəmi bir hərrac addımı qədər yüksək qiymətə satılıb.

TI-nin araşdırmasına görə, 57 hərracın nəticəsində ümumi sahəsi 8 954 kvadratmetr olan 57 torpaq sahəsi satılıb. Həmin torpaq sahələrinin ilkin özəlləşdirmə qiyməti 10 192 110 lari olub. Hərraclarda aparılan qiymət artımı nəticəsində bu məbləğ 484 286 lari yüksəlib və Batumi büdcəsinə ümumilikdə 10 676 396 lari daxil olub.

Rəqabətli şəraitdə keçirilən hərraclarda əmlak özəlləşdirmə qiymətindən bir yarım dəfə baha satılıb. Rəqabətsiz hərraclarda isə qiymət artımı minimum səviyyədə olub.

“Beynəlxalq Şəffaflıq – Gürcüstan” yazır ki, Acarıstan hökumətinin sədri Zurab Pataradzenin dostu, iş adamı Ednar Papunaişvilinin “Opus Signature” MMC-si (keçmiş “Opus Centre” MMC və “GTEM Construction”) 2026-cı il aprelin 23-də rəqabətsiz hərraclarda Batuminin mərkəzində, Aleksandre Qriboyedov küçəsi 62 və İvane Cavaxişvili küçəsi 31 ünvanlarında yerləşən, sahəsi 238 və 863 kvadratmetr olan torpaq sahələrini alıb. Şirkət həmin əraziləri müvafiq olaraq 367 950 və 1 333 550 lariyə əldə edib. Qiymət artımı isə cəmi 10 750 və 38 850 lari təşkil edib.

“Beynəlxalq Şəffaflıq – Gürcüstan” daha əvvəl də Ednar Papunaişvilinin digər şirkəti olan “Xidi-2006” MMC barədə yazıb. Şirkət 2025-ci il avqustun 25-də rəqabətsiz şəkildə Qoderdzi kurortunda yerləşən 383 kvadratmetr torpaq sahəsinin satışa çıxarıldığı şərtsiz elektron hərracda 136 300 lariyə qalib gəlib.

Elektron hərraclarda qalib gələn səkkiz şirkətin direktorları, paylarının hazırkı və keçmiş sahibləri hakim “Gürcü Arzusu – Demokratik Gürcüstan” partiyasının iri ianəçiləri sırasındadırlar. Onlar müxtəlif vaxtlarda partiyaya ümumilikdə 1 536 000 lari ianə ediblər. Bu şirkətlərdən altısı hərraclarda rəqabətsiz şəkildə qalib gəlib. Həmin şəxslər dəstəklədikləri prezidentliyə namizəd Salome Zurabişvilinin xeyrinə 345 000 lari ianə ediblər.

TI-nin araşdırmasına görə, rəqabətsiz hərracda qalib gələn digər şirkətlə – “Foris Development” MMC və “Foris Development 2” MMC ilə işgüzar tərəfdaşlığı olan Beka Manvelidze “Gürcü Arzusu”na 65 000 lari ianə edib. Beka Manvelidze Acarıstanın maliyyə və iqtisadiyyat üzrə qeyri-legitim nazir müavini Giorgi Manvelidzenin qardaşıdır.

Giorgi Manvelidze 2020–2024-cü illərdə Acarıstan Ali Şurasının “Gürcü Arzusu” fraksiyasına rəhbərlik edib. Giorgi və Beka Manvelidzelərin atası Baqrat Manvelidze 2014–2017-ci illərdə Batumi merinin müavini, daha sonra isə Acarıstanın təhsil, mədəniyyət və idman nazirinin müavini olub. 2019-cu il mayın 30-da Baqrat Manvelidze digər yüksək vəzifəli şəxslərlə birlikdə xidməti mövqeyindən istifadə etməklə dövlətə məxsus külli miqdarda vəsaiti qanunsuz mənimsəmək və vəzifə səlahiyyətlərindən sui-istifadə etmək faktı üzrə saxlanılıb.

TI-nin araşdırmasına görə, hərracda rəqabətsiz şəkildə qalib gələn “Solid” MMC təsis edildiyi vaxtdan indiyədək dövlət satınalmalarından ümumilikdə 3 861 398 lari gəlir əldə edib. Şirkət bu məbləğin bir hissəsini – ümumi dəyəri 1 107 024 lari olan 82 elektron tenderdə rəqabətsiz şəkildə qalib gəlməklə qazanıb.

Təşkilatın diqqətə çatdırdığı digər məqam isə elektron hərraclarda rəqabətsiz şəkildə qalib gələn şirkətlərdən birinin – “Connect Property Georgia” MMC-nin qeydiyyat tarixidir. Şirkət 2025-ci il yanvarın 24-də, hərrac elan olunmazdan cəmi 6 gün əvvəl təsis edilib.

Mənbə: Publika


Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!
Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415
Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:

# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.

Print ელ. ფოსტა
FaceBook Twitter Google