Milli imtahanlar məktəb buraxılış imtahanları (CAT) ilə
birləşdirə bilər.
Bu barədə “İnterpresnyus”a Gürcüstan Parlamentinin təhsil, elm və
mədəniyyət komitəsi sədrinin birinci müavini Qenadi Marqvelaşvili
bildirib.
Marqvelaşvilinin dediyinə görə, 2020-ci ilədək milli imtahanlara
əhəmiyyətli dəyişikliklər ediləcək.
"Müəyyən mənada bu, imtahanların struktur dəyişikliyini
nəzərdə tutur. Milli İmtahan Mərkəzinin özünün struktur
dəyişikliyini nə təkzib, nə də təsdiq edə bilərəm. Oturmaq və nəyin
necə ediləcəyi ilə bağlı ciddi düşünmək lazımdır. Mən bu qədər
imtahanın olmasına qarşıyam. CAT imtahanı olacaq yaxud qəbul
imtahanları, bunların birləşdirilməsi mümkündür. Uşağın inkişafına
yönəlməyən, yalnız baryeri keçməni nəzərdə tutan və tezliklə
unudulub gedən imtahan uşağa lazım deyil. Hesab edirəm ki, bu qədər
çox imtahan olmamalıdır. Bu istiqamətdə yenidənqurma həqiqətən də
lazımdır və nazirlik 2020-ci ilə qədər bunu elan edəcək. CAT və
milli imtahanların birləşdiriləcəyini istisna etmirəm. Mənim
fikrimcə, uşaqların imtahanlarının sayını azaldıb keyfiyyətini
yaxşılaşdırmaq daha yaxşı olar. İstənilən halda elə vəzifə
qoyacaqlar ki, bunun da məsuliyyəti özlərinə aid olacaq və başqa
komponentlərdən asılı olmayacaqlar", - deyə Qennadi
Marqvelaşvili bildirib.