Bu gün, 24 sentyabr tarixində Dövlət Təhlükəsizlik Xidməti
Səhiyyə Nazirliyinin Tənzimləmə Agentliyinin rəhbəri Qia
Tvalavadzeni saxlayıb.
DTX onu əczaxana narkomaniyası sahəsində psixotrop vasitələrin
qeyri qanuni dövriyyəsinin istintaqı çərçivəsində saxlayıb. O,
səlahiyyətlərindən sui-istifadə etməkdə ittiham olunur.
DTX nümayəndəsinin bu gün keçirilən brifinqdə bildirdiyinə görə,
Tvalavadze ilə bərabər daha 5 vətəndaş saxlanılıb. İstintaqın
məlumatına görə, Tbilisi və Qoridə yerləşən 15 əczaxanada psixotrop
vasitələrin qeyri-qanuni satışı həyata keçirilirmiş və Tənzimləmə
Agentliyinin rəhbəri buna reaksiya göstərməyib.
“Dövlət Təhlükəsizlik Xidmətinin Rüşvətlə Mübarizə
Agentliyinin əməkdaşları qeyd olunan cinayət hadisəsinə görə 20
nəfəri məsuliyyətə cəlb edib. Onların qeyri-qanuni sahibkarlıq
fəaliyyəti və psixotrop vasitələrin reseptsiz satışından əldə
etdikləri gəlir ümumilikdə 4 094 709 lari olub”, -
Dövlət Təhlükəsizlik Xidmətindən bildirirlər.
İstintaq vəzifə səlahiyyətlərindən sui-istifadə və qrup şəklində
qeyri-qanuni sahibkarlıq fəaliyyətinin həyata keçirilməsi maddələri
ilə aparılır ki, bu da 3 ildən 5 ilədək azadlıqdan məhrumetməni
nəzərdə tutur.