11 dekabr üçün ulduz falı
Qoç
- ünsiyyətdə səmimi, qayğıkeş olun. Münasibətlərdəki aktiv
mövqeyiniz əlaqələrdə harmoniya yaradacaq. Ən rutin işlərin
görülməsində yaradıcılıq imkanları yaranır. Mövqeyinizi
ətrafınızdakı insanlara çatdırın.
Buğa - günün ilk yarısında situasiya kəskin reaksiya, qərarların
qəbul olunması prosesində çeviklik tələb edir. Məntiqli, soyuqqanlı
olun. Yalnız belədə uğur qazana bilərsiniz. Maraqlı ideyalarını
sizinlə bölüşəcək həmfikirlərlə dil tapmağa çalışın.
Əkizlər - günün ilk yarısı yeni işlərə başlamaq üçün əlverişlidir.
İnnovasiyalı layihənin ilkin mərhələsində fəal olun. Həmkarları və
ya həmfikirləri özünüzə cəlb edin. Münaqişəli situasiyaları həll
edin.
Xərçəng - günün ilk yarısında ən ağır işlərlə məşğul ola
bilərsiniz. Özünüzə güvənin. Diqqətinizi cəmləyin, bilik və
bacarıqlarınızı nümayiş etdirin. Çətin məsələlərin həllində süst
davranmayın.
Şir - günün ilk yarısında vəziyyət ilk baxışdan ümidsiz təsir
bağışlasa da, ruhdan düşməyin. Çaşqınlığa yol verməyin, hadisələrin
axarını nəzarətsiz qoymayın. Qətiyyətli və iradəli davranışın
mükafatı yaxşı nəticə olacaq.
Qız - günün ilk yarısında böyük layihənin ilk mərhələsində
çətinliklərlə qarşılaşsanız, ruhdan düşməyin. Unutmayın ki, böyük
nailiyyət kiçik uğurlardan ibarətdir. Planlaşdırmaya başlayın.
Qarşınıza ambisioz məqsədlər qoymayın.
Tərəzi - işgüzar tərəfdaşlar və həmkarlarla münasibətləri
sərinləşdirməyin. Günün ilk yarısında problemlərin yeni həllini
tapa bilərsiniz. Qarşılıqlı mənfəəti unutmayın. Bilik və
bacarıqlarınızı nümayiş etdirin.
Əqrəb - mühüm işlərə başlamazdan əvvəl yaxşı hazırlıq görün. İmkan
varsa, zəhmətkeş və etibarlı yardımçılar tapın. Gərəkli dəstəyi
alın. Bütün işləri qısa vaxtda başa vurmağa çalışmayın. Rutin,
gündəlik məsələlərin çözümünə xüsusi diqqət ayırın.
Oxatan - gərgin və aktiv fəaliyyətin yaxşı nəticə verməsi üçnü
təkbaşına çalışmayın. Yaddan çıxardığınız vədləri qarşı tərəf
unutmayıb.
Yolda çətinliklər yarana bilər. Uzunmüddətli səfərlərə çox qüvvə və
vaxt sərf etməyin. Yaranan imkanlardan faydalanmağı unutmayın.
Oğlaq - günün ilk yarısı əlverişli zamandır. Problemlərin
öhdəsindən qeyri-ənənəvi yollarla gələ bilərsiniz. Planlarda köklü
dəyişikliklər, təcili səfər və ya ezamiyyət istisna deyil. İşgüzar
yazışma ilə məşğul olun, sənədləri qaydaya salın.
Dolça - çoxdan hazırladığınız planları reallaşdırmaq üçün münasib
zamandır. Gərəkli insanlarla əlaqələr yaradın. Potensial
tərəfdaşların niyyət və istəklərindən hali olun. Cəsarətli, amma
nəzakətli davranın.
Balıqlar - yaxın ətrafınızdakı insanlar sizi dəstəkləyəcəklər.
Sizdən dəstək gözləyən insanlara kömək edin. Başqalarının qərar və
hərəkətlərini aşkar şəkildə pisləməyin.
Günün ikinci yarısında yaxşı tanımadığınız insanları müzakirə
mənbəyinə çevirməyin.