15 fevral üçün ulduz falı
11:07 / 15.02.2019
Qoç - Emosional fon
əlverişli deyil. Ən kiçik və xırda məsələyə görə əhvalınızı
pozmayın. Ünsiyyətdə o qədər də xoş olmayan insanlarla təmaslar
qaçılmazdır. Onlarla əsl münasibətinizi müvəqqəti də olsa,
pərdələməyə çalışın. Gərəkli əşya itə bilər. Bu, sizi hədsiz
dərəcədə qıcıqlandırır.
Buğa
- Münaqişəli, gərgin gündür. Yaranan problemlərə əhəmiyyət
verməməyə çalışsanız da, alınmır. Yaşananları ürəyinizə salmayın.
Etibara layiq olmayan adama inanmayın. Əks təqdirdə fırıldaq və ya
intriqa qurbanına çevrilərək əhəmiyyətli məbləğdə pul itirə
bilərsiniz.
Əkizlər - Əsas diqqəti məişət qayğıları və şəxsi işlərin
çözülməsinə yönəldin. Peşəkar fəaliyyət müstəvisində ciddi
irəliləyişə bel bağlamağa dəyməz. İşiniz kommersiya ilə bağlıdırsa,
ehtiyatlı olun. Xərclər olacaq. Böyük məbləğdə məsrəfi əvvəlcədən
təxminləmək asan deyil.
Xərçəng - Yaşam potensialı səviyyəsi yüksəkdir. Eyni vaxtda bir
neçə işlə məşğul olsanız da, çox yorulmayacaqsınız. Qeyri-standart
düşünün, orijinal qərarlar qəbul edin. Belədə bir sıra problemləri
sürətlə həll edə biləcəksiniz. Yeni tanışlıq, maraqlı insanlarla
görüş olacaq.
Şir - Kiçik problemlərə rəğmən uğurlu gündür. Müsbət təmayüllərin
təsiri güclü olduğundan ciddi pərişanlığa səbəb yoxdur. Sevinc
önəmli və uzunmüddətlidir. İndiyədək öhdəsindən gələ bilmədiyiniz
problemləri bu gün tezliklə həll etmək imkanlarınız var.
Qız - Bütün problemləri ani həll etmək iqtidarında olduğunuzu
düşünərək yanılmayın. Əslində hər şey göründüyü kimi olmadığından
tələsik, düşünülməmiş qərar qəbul etməyin. Dəvət aldığınız bütün
tədbirlərə qatılmayın. Yaxşı tanımadığınız, bələd olmadığınız
insanların yanında özünüzü narahat hiss edəcəksiniz.
Tərəzi - Günün ilk yarısı məhsuldar fəaliyyət üçün əlverişli
gündür. Çətinliklər sizi qorxutmasın. Mürəkkəb, müşkül məsələnin
həlli üzərində baş sındıra bilərsiniz. İşdə həmkarlar və
rəhbərliklə fikir ayrılıqları yarana bilər. Amma az sonra onlar
məntiqlə çıxış etdiyinizi anlayacaqlar.
Əqrəb - Emosional fon çox qeyri-stabildir. Bu isə durumu
çətinləşdirir. Yalnız öz maraqlarınızı düşünməyin, təşəxxüslü və
eqoist davranmayın. Vədlər və öhdəliklərinizi unutmayın.
Genişmiqyaslı və ciddi işə başlamağa dəyməz. Bu işi başa çatdıra
bilməyəcəksiniz.
Oxatan - Eksperimentlər aparın. Qəfil, gözlənilməz, cəsur ideyalar
yaranır. Çətin olsa da, onların bəzilərini reallaşdırmağa çalışın.
İndiyədək yalnız peşəkar fəaliyyət müstəvisində təmaslarınız olduğu
insanla dostlaşa bilərsiniz.
Oğlaq - Ciddi və mühüm işə başlaya bilərsiniz. İntellektual
potensial səviyyəniz yüksəkdir. Ətrafınızdakı insanları fikir və
planlarınızın dərinliyi, məntiqi ilə heyrətləndirə bilərsiniz.
İdeyalar çoxdur, amma onlar göründükləri təki yaxşı deyillər.
İllüziyalara və xəyallara qapılmayın. Praktik, soyuqqanlı olun,
praqmatik davranın.
Dolça - İmkanlar və şanslardan yararlanmağa çalışın. Adi günlərlə
müqayisədə daha ətalətli və süst olmayın. Belə davranış əhvalınızı
pozacaq, sizi dözülməz və qıcıqlı edəcək. Maliyyə vəsaiti ilə
maksimal dərəcədə ehtiyatlı davranın. Gərəksiz əşyalar almayın,
riskli anlaşmalara qatılmayın. Pullarınızla risk etməyin.
Balıqlar - Dostlar, həmfikirlər və müttəfiqlərlə ünsiyyətdə yeni
fəaliyyət planı hazırlaya bilərsiniz. Problemlərinizin bir qismini
çözmək üçün nüfuzlu şəxsdən kömək istəməkdən utanmayın. Lakin bilin
ki, bu gün göstəriləcək xidmətlərə görə ətrafınızdakı insanlardan
birinə sonradan "borc qaytarmalı"
olacaqsınız.