Mixeil Saakaşvili "Vahid Milli Hərəkatın" rəhbər vəzifəsini tərk edir
Mixeil
Saakaşvili “Vahid Milli Hərkatın” rəhbər vəzifəsini tərk
edir.
Onun
öz qərarını bildirdiyi video qeydi Gürücstanın üçüncü prezidenti
facebook səhifəsində 18 martda səhər yerləşdirib.
Mixeil Saakaşvili deyir ki, ona ölkəyə daxil olmağa imkan vermirlər
və mane olan faktor onun partiya işidir. Onun açıqlamasına görə,
sonuncu prezident seçkiləri birləşmiş müxalifətin vahid namizədi
Qriqol Vaşadzenin potensialını yaxşı göstərdi. Ancaq Gürücstanın
üçüncü prezidenti bildirib ki, onun şəxsi simpatiyalarına
baxmayaraq yeni lideri partiya ümumi səs vermə ilə seçməlidir.
“İvanişvili hər şey etdi ki, mən ölkəyə daxil olmayım.
Bizim liderlərdən bəziləri həbsxanadadır. Bu yaxınlarda Davit
Kirkitadzeni həbs etdilər və bu əlbəttə təşkilatın işini
çətinləşdirir. Bu maneəni aşmaq üçün biz daim fəaliyyətdə olmalıyıq
və elə çalışmalıyıq ki, bizim mübarizəmiz bir gün də dayanmasın. Bu
vəziyyətdə mənim fikrimcə Milli Hərəkatın” sədrini seçmək vacibdir.
Ona görə ki, Milli Hərəkata yerində bu bayrağı sizinlə birgə
yüksəldəcək lider lazımdır. Mən düşünürəm ki, Qriqol Vaşadze
prezident kampaniyanı çox gözəl keçirdi və mən şəxsən “Milli
Hərəkatın“ rəhbər vəzifəsi üçün onu dəstəkləyərdim.
Siyasi Şuraya xalqı qoşmaq bizə lazımdır amma bu xalq neçə
seçilməlidir, kim seçməlidir – bizim 400 min qeydiyyatdan keçmiş
faəl dəstəkçimiz var. Bu insanlar, siz qərar verməlisiniz, kiminsə
vasitəsi ilə, kulislərdə, kimlərinsə bir-biri ilə danışması
nəticəsində deyil. Siz qərarı qəbul etməlisiniz və elektron
səsvermə mexanizmləri buna imkan verir. Səsimizi İphone, aplikasiya
ilə verə biləcəyik” – Mixail Saakaşvili bildirib.
Keçmiş prezidentin bəyanatına görə, partiyanın özəyi yaxın
gələcəkdə həmin aplikasiyanı yaradacaq və partiyanın hər bir üzvü,
fəalı əsas qərara elekton olaraq səs verə biləcək.
Mixeil Saakaşvilinin bəyanatına görə bu üsulla onlar bütün vacib
proseslərə qoşulacaqlar. Onun dediyinə görə proseslərə və
idarəçiliyə dair cavabdehliyi hamı götürməlidir.
Mixail Saakaşvilinin bəyanatına görə VHM geniş müxalif birliklə
yanaşı ölkənin xilası və ölkənin idarəçiliyini götürməyə
hazırlaşır. Onun sözlərinə görə, bu, yeni texnologiyalardan
istifadə etməklə bütün gürcü xalqının idarəçiliyi
olacaq.