“Era Teatrı”nın yeni direktoru Əli Məmmədov oldu.
Bu haqda məlumatı teatrın bədii rəhbəri Anar Rafiqoğlu
verdi.
Anar Rafiqoğlu qeyd etdi ki,
teatrda sadəcə bədii rəhbərin olması yetərli deyil, eyni zamanda
direktor da vacibdir. O, qeyd etdi ki, teatrda direktorun əsas
öhdəliyi yeni layihələr hazırlamaqdır, belə olduğu halda bədii
rəhbər yeni tamaşalara hazırlaşa bilir.
Əli Məmmədovla dost olduqlarını deyən Anar onun
savadlı olduğunu və bu vəzifəni layiqincə yerinə yetirəcəyini
düşünür. Aktyor onu da qeyd etdi ki, gələcəklə bağlı yeni
layihələri var və hal-hazırda layihənin birinin hazır olduğunu
deyən Anar ilk tamaşanın Marneulidə səhnəyə qoyulacağını dedi. Anar
Rafiqoğlu onu da qeyd etdi ki, teatrın əvvəlki direktoru Rabil
İsmayılovla qarşılıqlı qərar verərək
ayrılıblar.
"Teatr qurulduqdan bu günə qədər Rabil idi direktor. Onun yeni
planları var çox sual verirlər ki, nəisə problemmi oldu. Yox,bizim
aramızda heç bir problem ola bilməz. Biz çox yaxın dostları istər
Əli olsun, İstər Rabil olsun. Düşündük ki, belə bir qərar
verməyimiz həm özümüz, həm də teatrın gələcəyi üçün daha faydalı
olacaq. Çünki teatrda ən vacib vəzifələrdən biri direktor
vəzifəsidir. Əli Məmmədov, o da bizim çox aktiv bir dostumuzdur.
"Bu yolun son stansiyası" tamaşasında da çox fəal olaraq bizim
yanımızda idi, komandanın bir üzvü idi. Əli Məmmədov digər
keyfiyyətləri ilə də direktorluöa layiq olan bir şəxs idi. Həm
təhsili, həm iş təcrübəsi, həm dil qabiliyyəti bunlara dövlət dili
olan gürcü dili, beynəlxalq dil olan ingilis dili, daxildir.Fəal
gəncdir, bu işi də çox istəyir, yeniliklər etmək istəyir. Əminəm
ki, Əli ilə birlikdə Era Teatırını daha böyük zirvələrə ucaltmağı
bacaracağıq" - Anar Rafiqoğlu dedi
Xatırladaq ki,
“Era Teatrı” 2018-ci ildə Tbilisi Dövlət Azərbaycan Dram Teatrının
aktyoru və rejissor Anar Rafiqoğlu və Rabil İsmayılov tərəfindən
yaradıldı. Anar Rafiqoğlu və Rabil İsmayılov tərəfindən təsis
edilən teatrın əsas məqsədi aktyorluğa və teatra həvəsi olan
gəncləri bir araya toplamaq idi. “Era Teatrı”nın direktoru Rabil
İsmayılov işlərinin olması səbəbindən və yetərli vaxtının
olmadığından öz vəzifəsindən ayrılmışdı.
Qeyd edək ki, Əli Məmmədov Gürcüstan Aviasiya Universitetinin
məzunudur, o, Gürcüstanda yeganə azərbaycanlı pilotdur.