Tbilisi Yoluxucu Xəstəliklər Xəstəxanasının tibbi direktoru Marina
Ezuqbaianın sözlərinə görə, dünən 21 nəfər analiz olundu
və onlardan yalnız birində koronavirus aşkarlandı.
Ezuqbaianın jurnalistlərə bildirdiyinə görə, daha 9 xəstənin
analizlərinin nəticələri gözlənilir.
"Dünən 21 nəfər koronavirusa gör müayinə edildi və cavab yalnız bir
qadında müsbət oldu. 20 halda cavablar mənfi oldu. Bu səhər doqquz
nəfər analiz olunub və bu analizlər günün birinci yarısında
yoxlanılacaq. Günortadan sonra daxil olan pasiyentlər artıq
günortadan sonra müayinə olunacaqlar, cavablar isə sabah səhər
saatlarında olacaq", – Ezuqbaia deyib.
Gürcüstanda koronavirusa yoluxma hallarının sayı 40-a çatıb.
Onlardan 1-i sağalıb.