Səhiyyə naziri Ekaterina Tikaradzenin sözlərinə görə, son
təsdiqlənmiş 3 virusa yoluxma halı Gürcüstana Amerika Birləşmiş
Ştatlarından gəlmiş ailə ilə bağlıdır.
“Bu üç yeni hal Avropa etiologiyasına aid deyil. Bu
ABŞ-dan səfər edən ailədir. Qeyd olunan hal yeni klasterdir. Həmin
ailə ilə təmasda olan bütün şəxslərin kimliyi müəyyənləşdirilib və
sonrakı taktika üçün onlar müşahidə olunurlar”, –
Tikaradze bildirib.
Xəstəliklərə Nəzarət Milli Mərkəzinin direktor müavini Paata
İmnadzenin bildirdiyinə görə, həmin ailə özünütəcriddə olub.
“Ailəsi ilə birgə özünütəcriddə olan hər kəsə
səslənirəm. Maksimum dərəcədə ailə üzvlərinizlə təmasdan çəkinin.
Təcrübə göstərdi ki, ailədə özünütəcriddə olanların ailə üzvləri də
virusa yoluxur.
Ailə təcriddədir, amma bir-biri ilə təcriddə deyillər. Ona görə də
özünütəcriddə olanlar ailədə də buna riayət edin. Bununla bağlı
qaydalar bizim veb-səhifəmizdə yerləşdirilib”, –
İmnadze deyib.
Bu gün Gürcüstanda 43 nəfərə yaxın şəxs virusa yoluxub. Rəsmi
məlumata görə, Gürcüstanda 1 nəfər sağalıb, 1575 nəfər
karantindədir, 275 nəfər isə stasionar müşahidə altındadır.
Mənbə: publika.ge