Baş nazir Qiorqi Qaxaria dörd vacib istiqaməti qeyd edib və həmin
istiqamətlərdə məsuliyyət daşıyan müvafiq nazirlərə tapşırıqlar
verib.
Həmin istiqamətlər səhiyyə, ictimai asayiş, ərzaq ehtiyatının
idarəolunması, logistika-nəqliyyat və iqtisadiyyatdır.
“Əlbəttə, ilk istiqamət səhiyyədir, buna görə
məsuliyyəti Səhiyyə naziri Ekaterine Tikaradze daşıyır. İkinci
istiqamət ictimai asayişdir və buna görə tam məsuliyyət Daxili
İşlər naziri və Təhlükəsizlik Şurasının katibi Vaxtanq Qomelaurinin
üzərindədir. Üçüncü istiqamət ərzaq ehtiyatının idarəolunması,
logistika-nəqliyyat və iqtisadiyyatdır ki, buna Ətraf Mühitin
Mühafizəsi və Kənd Təsərrüfatı naziri Levan Davitaşvili
cavabdehdir. Dördüncü istiqamət isə ən vacib olanı, böhrandan sonra
iqtisadiyyatımızın tez zamanda bərpa olunmasıdır. İqtisadiyyatımıza
az ziyan dəysin deyə hər şey edirik. İqtisadi istiqamətə Baş
nazirin müavini Maia Tskitişvili cavabdehdir”, –
Qiorqi Qaxaria brifinq başa çatdıqdan sonra bildirib.
Baş nazirin bildirdiyinə görə, bu gün dövlət institutları, özəl
sektor və mülki cəmiyyət bu problemə effektiv cavab verməyə tam
hazırdır.
“Bir daha qeyd etmək istəyirəm ki, bu gün dövlət institutları eləcə
də özəl sektor, mülki cəmiyyət bu problemə cavab verməyə tam
hazırıq. İnanın ki, biz müvafiq nəticəni əldə edəcəyik və bu
virusla mübarizədə ən yaxşılardan biri olacağıq”, –
Qaxaria qeyd edib.