Marneuli Mədəniyyət Mərkəzi distant fəallıqlar tətbiq etməyə başlayır
15:34 / 20.03.2020
Marneuli Mədəniyyət Mərkəzi
distant fəallıqlar tətbiq etməyə başlayır.
Bu haqda məlumatı mərkəzin
direktoru Nato Şavişvili verib və bildirib ki, koronavirusa görə
onlar indi onlayn rejimdə öz auditoriyalarını yeniləməyə və
maarifləndirici layihələr həyata keçirməyə çalışacaqlar.
“Əlbəttə, əvvəlcə bu test rejimi olacaq. Düşünürük ki,
yaxşı alınacaq və təcrübə də qazanmış olacağıq. Gələcəkdə daha da
yaxşı formalaşdırarıq. Biz soydaşlarımıza dəstək olacağıq ki,
qeyri-fəal həyat tərzini maraqlı keçirsinlər və evə qapanmaq onlar
üçün daha asan olsun”, – Nato Şavişvili deyir və qeyd
edir ki, 23 mart tarixindən öz veb-səhifələrində müxtəlif
fəallıqlar, video bloqlar, audio kitablar, rəsm materialları və
başqa fəallıqlar yerləşdirəcəklər.
“Baş rol” adlı video bloqumuz olacaq və Zura Xaptani
aparacaq. Tanınmış gürcü və xarici aktyorlardan danışacaq. İrakli
Xarşiladze ədəbiyyat bloqunu aparacaq, tanınmış yazıçılardan və
şairlərdən söhbət açacaq. Qoça Xviçia “Art Voyaj” bloqunu aparacaq
və bizi müxtəlif ölkələrə səyahətə aparacaq, gözü ilə gördüyü dünya
incəsənət əsərləri haqqında danışacaq. Eləcə də “insanların mövcud
olduğu bütün mərhələlərdə incəsənətə qarşı sevgi” bloqumuz olacaq
və Ketevan Abaşidze aparacaq. İnsan və incəsənət əlaqələrindən
söhbət açılacaq. Balacalar və yeniyetmələr üçün də bloqlarımız
olacaq. “Asan şəkildə rəsm çəkmək öyrənək” adlı video bloqumuzu
təqdim edəcəyik və Tamusia Letodiani onlayn dərslər keçəcək. “Cəhd
et” video bloqu olacaq və Dodo Qelaşvili ev şəraitində müxtəlif
maraqlı əşyaları necə düzəldə biləcəyimizi öyrədəcək. Həmçinin,
Facebookda "Art rubrikamız" olacaq və orada gündəlik incəsənət
haqqında müxtəlif sahələrlə və incəsənət adamları ilə bağlı məlumat
yenilənəcək.”, – Nato Şavişvili deyir.
Mədəniyyət Mərkəzinin direktorunun sözlərinə görə, eləcə də
Marneuli İctimai Kitabxanasının layihələrinin həyata keçirilməsi –
misal üçün, auditoriyaya audio kitablar və çizimlər müsabiqəsi
təklif etmək də planlaşdırılır.
“Mədəniyyət evinin də video müsabiqəsi olacaq.
İstəyirik ki, bizim tamaşaçılarımız və ya dinləyicilərimiz üç
dəqiqəlik əyləncəli video yazsınlar və video özünütəcriddə olmağın
müəyyən aspektlərini təsvir etsin. Bu video əyləncəli olmalıdır və
mənfi emosiyalarla bir-birimizi
gərginləşdirməməliyik”, – Şavişvili deyir.
Nato Şavişvili qeyd etdi ki, mümkün resurslardan irəli gələrək
onlar hazır materialları qeyri-gürcü dilli auditoriyaya da təqdim
etməyə çalışacaqlar. Misal üçün audio kitabları qeyd etdi və dedi
ki, seçilmiş audio kitabları azərbaycan dilində də onlayn şəkildə
dinləmək mümkün olacaq. Şavişvili əhalini “evdə qalmağa” və 23 mart
tarixindən Marneuli Mədəniyyət Mərkəzinin “Facebook” səhifəsini
izləməyə çağırdı.