Qırmızı Xaç Cəmiyyətinin Marneuli ofisi meriya könüllülərinə təlim
keçib. Təlim əsasən yeni koronavirusdan qorunmaqla bağlı məsələlərə
istiqamətlənib.
Könüllülər əhali ilə ünsiyyət zamanı nəyi nəzərdə tutmalı və
təchizatlardan düzgün necə istifadə etməli olduqları barədə məlumat
alıblar.
"Könüllülərin koronavirusla bağlı düzgün məlumatının
olması vacibdir. Onlar özlərini qorumaq qaydasını da bilməlidirlər,
mülki əhali ilə ünsiyyət quracaqlar və onların təhlükəsizliyi
qorunmalıdır. Burada, zalda da onlar qorunan
mühitdədirlər", – Qırmızı Xaç Cəmiyyətinin Marneuli
filialının könüllüsü Ketevan Abaşidze deyir.
Könüllülər mütləq bilməlidirlər:
- Spirt tərkibli antibakterial məhlul, yaxud sabun və su ilə
əllərimizi tez-tez yumalıyıq. Çünki əl ən tez çirklənən bədən
üzvüdür.
- Bilməlisiniz ki, tibbi maskaların əksəriyyəti üç qatlıdır – üst
qat havadakı damcılardan qorumaq, ortadakı qat mikroblara mane
olmaq və daxili qat isə rütubətin qarşısını almaq üçündür.
- Birdəfəlik tibbi maskalar 1-2 saat ərzində istifadə
olunmalıdır.
- Təchizat zamanı ən sonda əlcəkləri geyinirik soyunanda isə
birinci əlcəyi çıxarırıq.
- İnsanlarla ünsiyyət zamanı 1,5-2 metrə qədər məsafəni
qoruyuruq.
- Maska və əlcəklər birdəfəlikdir və onlardan ikinci dəfə
istifadə etmək olmaz.
- Salamlaşan zaman əl tutmayın və öpüşüb-görüşməyin.
- Əlimizlə T-zonaya ( gözlər, ağız və burun) toxunmamalıyıq.
- "Çin virusu", "gətirilən virus", "Vuhan virusu", "Asiya virusu"
deməməliyik, yeni koronavirus, yaxud (covid-19) deməliyik.
- Hazırda Marneuli bələdiyyəsində 37 könüllü qeydiyyatdan keçib
və onların sayı hər gün artır. Könüllülərin səfərbər edilməsi yerli
özünüidarəyə yaşlı adamlara yardım etmək üçün lazım gəlib. Onlar
yaşlılara dərman və başqa ilkin istifadə məhsulları ilə təmin
olunmada, eləcə də başqa işlərdə yardım edəcəklər.
"Könüllülük ümumiyyətlə məsuliyyətli işdir. Bugünkü
vəziyyətdən irəli gələrək mənim qərarıma gəldikdə isə deyim ki, bu
hamımızın borcudur, pandemiya ilə birgə mübarizə aparaq. Hər növ
məbləğdən və hesabdan kənar. #evdə qal", –
könüllülərdən biri, Baçi Saqinadze deyir.
Meriya könüllülərinin qeydiyyat forması:
https://docs.google.com/forms/d/e/1FAIpQLSfE0G5RgaeAVi80C8QQi5SwPvUrE5SRdN_EAa8zIsMA74TGHg/viewform?fbclid=IwAR0gX6wLxVp0nV7iUzZBzzEDo1DMchIGg8WlDQJOigPxPHoDDqJC4Up1sCg
Müəllif: Edqar Mazmanyan