Martın 30-dan etibarən İctimai Yayımçının canlı efirində məktəb
şagirdləri üçün dərslərin yayımlanmasına başlanılır.
Baş nazirin Mətbuat Xidmətindən verilən məlumata görə, bu barədə
Gürcüstanın Baş naziri Qiorqi Qaxaria koronavirus ilə əlaqədar
keçirilən Koordinasiya Şurasının iclasında bildirib.
Hökumət başçısının sözlərinə görə, Təhsil Nazirliyi və İctimai
Yayımçının pandemiya şəraitində irəli sürdüyü birgə təşəbbüs irəli
atılmış mühüm addımdır.
Baş nazir internet provayderlərə müraciət edərək, onları tələbə və
şagirdlərin maraqlarını nəzərə almağa və onların internetə
əlçatanlılığını təmin etməyə çağırıb. Hökumət başçısı qeyd olunan
təşəbbüsə görə Təhsil nazirinə təşəkkürünü bildirib.