Prokurorluq Kaxeti bölgəsinin Kvareli bələdiyyəsində qrup şəklində sağlamlığa zərər vurma, soyğunçuluq, hədə-qorxu ilə tələb etmə, ləyaqəti alçaldan və qeyri-insani rəftarla bağlı iki nəfəri ittiham edib.

Daxili İşlər Nazirliyi tərəfindən aparılan araşdırmalarla müəyyən edilib ki, iyunun 24-də Kvareli rayonu yaxınlığındakı meşə massivində zorakılıq tətbiq etdiyinə görə şərti məhkumluq həyatı yaşayan E.C.-nin tərəfindən 68 yaşlı zərərçəkmiş şəxsi şifahi təhqir etmə, döymə və bu zaman pulun oğurluq yolu ilə ələ keçirilməsi müəyyən edilib.

Təqsirləndirilən şəxslər həmçinin zərərçəkmiş şəxsi şərəf və ləyaqətini alçaldan konkret hərəkətlər etməyə məcbur ediblər və onların qeyri-insani və ləyaqəti alçaldan rəftar faktını mobil telefonuna qeydə alıblar. Sonra görüntüləri yaymaqla hədələyərək bir neçə gün ərzində konkret məbləğdə pul verilməsini tələb ediblər”, - deyə prokurorluğun açıqlamasında bildirilir.

Agentliyin məlumatına görə, təqsirləndirilən şəxslər iyunun 26 və 27-də saxlanılıblar.
Onlara Gürcüstan Cinayət Məcəlləsinin 118-ci maddəsinin 2-ci hissəsi, 181-ci maddəsinin 2-ci hissəsinin “a” bəndi və 144-cü maddəsinin 3-cü hissəsinin 2-ci maddəsinin “e” və “f” bəndləri ilə ittiham irəli sürülüb.