“Biz sanksiyalardan yayınmaq üçün istənilən cəhdi çox diqqətlə
izləyirik və bunu davam etdirəcəyik”, - deyə ABŞ-ın Gürcüstandakı
səfiri Kelli Deqnan bildirib.
Batumi limanına daxil olan Rusiya gəmisinin sanksiyaya məruz
qalması ilə bağlı xəbərlərlə bağlı suala ABŞ səfiri bildirib ki,
ABŞ səfirliyi məsələni araşdırır.
“Əlbəttə ki, biz bu məsələni araşdırırıq, bu, çox narahatedicidir
və biz hər yerdə bu tip hərəkətləri izləyirik. Biz dövlət
qurumları, gömrük, gəlir xidməti ilə işləyirik. Bu, çox vacibdir və
hökumət bunu çox ciddi qəbul edir ki, biz sanksiyalardan yayınmaq
üçün istənilən cəhdə qarşı çox ehtiyatlıyıq və bunu davam
etdirəcəyik”, - deyə Kelli Deqnan bildirib.