Gürcüstan Prokurorluğu bir nəfərə
qarşı ağırlaşdırıcı şəraitdə keçmiş arvadını qəsdən öldürməkdə
ittiham edib. İttiham tərəfinin vəsatəti əsasında məhkəmə
təqsirləndirilən şəxsə həbs qətimkan tədbiri seçib.
“Daxili İşlər Nazirliyi tərəfindən aparılan araşdırma nəticəsində
müəyyən edilib ki, iyulun 1-də Kutaisidə təqsirləndirilən şəxs
cinsinə görə dözümsüzlük zəminində keçmiş həyat yoldaşına bıçaqla
xüsusi amansızlıqla xəsarətlər yetirib. Aldıqları xəsarətlər
nəticəsində zərərçəkən yerindəcə keçinib.
Hüquq-mühafizə orqanlarının əməkdaşları təqsirləndirilən şəxsi
hadisə yerində yaxalayıb. O, Gürcüstan Cinayət Məcəlləsinin 11-ci
Prima 109-cu maddəsinin “h, k” və “m” bəndləri (cins əlamətinə görə
qəsdən adam öldürmə, ailə üzvünə qarşı xüsusi amansızlıqla
törədildikdə) ilə ittiham olunub və bu, 16 ildən 20 ilədək və ya
ömürlük azadlıqdan məhrum etmə cəzasını nəzərdə tutur.