Gürcüstan, Aİ və Şərq Tərəfdaşlığının digər ölkələri
arasında
rouminq tariflərinin azaldılması üzrə işlər artıq bir neçə ildir
ki, aparılır. 2021-ci ildə Şərq Tərəfdaşlığı ölkələri ilə Aİ
arasında rouminqin tənzimlənməsinə dair saziş layihəsi üzərində iş
başa çatıb.
Lakin 2022-ci ildə bu istiqamətdə yeni addımlar atılmayıb. Deputat
Levan Karumidze İqtisadiyyat Nazirliyinə bu istiqamətdə hansı
işlərin görülməsi ilə bağlı sual verib.
“Sizə bildiririk ki, Gürcüstanın İqtisadiyyat və Davamlı İnkişaf
Nazirliyi 2021-ci ilin dekabrında daxili prosedurları tamamlayıb və
bəzi Şərq Tərəfdaşlığı ölkələri prosedurları başa çatdırmasa da,
sazişi imzalamağa hazırdır.
Lakin 2022-ci ildə Ukraynada baş verən hadisələr EU4Digital
proqramını və buna uyğun olaraq müqavilənin imzalanması
proseslərini dayandırdı. Hazırda müqavilənin imzalanması ilə bağlı
prosedurların yenilənmə müddəti nazirliyə məlum deyil. Avropa
Komissiyası bu barədə Şərq Tərəfdaşlığı ölkələrinə məlumat
verəcək.
Eyni zamanda, məsələnin əhəmiyyətindən asılı olaraq, Avropa
İttifaqının rouminq məkanına qoşulma ilə bağlı birbaşa Avropa
İttifaqına müraciət edilməsi barədə qərar qəbul edilib. Gürcüstanın
İqtisadiyyat və Davamlı İnkişaf Nazirliyi bu barədə yaxın vaxtlarda
diplomatik kanallar vasitəsilə Avropa Komissiyasına məlumat
verəcək”, - deyə iqtisadiyyat nazirinin müavini Quram
Quramişvilinin verdiyi cavabda bildirib.
EU4Digital platforması hələ 2017-ci ildə rouminq tariflərinin
uyğunlaşdırılması ilə bağlı ilk araşdırmanı hazırlayıb və 2019-cu
ilin noyabrında bu istiqamətdə standartlarda və infrastrukturda
dəyişiklikləri müzakirə edən sənəd dərc edib.
Mənbə:
BM