Marneuli rayonunun Qızılhacılı kəndində baş vermiş silahlı
insidentlə bağlı cinayət işi açılıb.
Gürcüstan Daxili İşlər Nazirliyinin verdiyi məlumata görə, Cinayət
Məcəlləsinin 120-ci və 236-cı maddəsi ilə istintaq aparılır. Həmin
maddələr qəsdən sağlamlığa zərər vurma və odlu silahın qanunsuz
əldə edilməsi-saxlanılması-daşınmasını nəzərdə tutur.
Hadisə şahidlərinin verdiyi məlumata görə, 45-50
yaşlarında olan bir nəfər çayxanada odlu silahdan açılan atəş
nəticəsində yaralanıb.
24News.ge-nin yazdığına görə, Arif Əzizov adlı şəxs çayxanada olan
zaman naməlum şəxs tərəfindən ona bir neçə dəfə atəş açılıb.
Ayağından güllə yarası alan Arif Əzizov ətrafda olan şəxslər
tərəfindən xəstəxanaya aparılıb.
Hadisəni törədən şəxs isə hadisə yerindən qaçıb.