Gürcüstan Daxili İşlər Nazirliyinin məlumatına görə, Tbilisi Polis
İdarəsinin əməkdaşları əməliyyat məlumatı
əsasında həyata keçirdikləri əməliyyat-axtarış tədbirləri
nəticəsində 1961-ci il təvəllüdlü Tbilisidə anadan olmuş D.K.-nı
saxlayıblar.
Qurumun məlumatına görə, saxlanılan şəxs qanunsuz olaraq odlu silah
və döyüş sursatı almaq, saxlamaq və gəzdirməkdə ittiham olunur.
Daxili İşlər Nazirliyindən Azadinform-a verilən məlumata görə,
hüquq-mühafizə orqanlarının əməkdaşları saxlanılan şəxsin üzərindən
şəxsi yoxlama zamanı maddi sübut kimi oradan “Brauninq” tipli atıcı
tapança, 1 ədəd ağızlıq və 1 ədəd patron götürüblər.
Agentliyin açıqlamasında bildirilir ki, təqsirləndirilən şəxsin
Tbilisidə yaşadığı evdə aparılmış axtarış nəticəsində əməliyyat
məlumatı əsasında polis həmçinin maddi sübut kimi götürüb: kustar
üsulla hazırlanmış tapança, kəsilib qısaldılmış ov tüfəngi, döyüş
tüfəngi, “Vinçester” tipli odlu silah, pulemyot detalı, 6 ov
tüfəngi, 7 müxtəlif növ əl qumbarası, 2 avtomat odlu silahın
ağızlığı, 8 partlayıcı qoruyucu və 2 detonator, müxtəlif növ odlu
silahlar üçün 1380 patron.
Gürcüstanın Cinayət Axtarış Departamenti tərəfindən Qanun
Məcəlləsinin 236-cı maddəsinin 3-cü və 4-cü hissələrinə əsasən
qanunsuz olaraq odlu silah və döyüş sursatı alınması, saxlanması və
aparılması faktlarının araşdırılması üzrə istintaq aparılır.
Təqsirli bilindiyi halda cinayətkar üçün 3 ildən 7 ilədək müddətə
azadlıqdan məhrum etmə cəzası nəzərdə tutulur.