Marneuli yerli özünüidarəsi 2023-cü il ərzində küçə işıqlarına 2 125 000 lari xərcləməyi planlaşdırır. Marneulinin 2023-cü il büdcəsinə əsasən, küçə işıqlarına ayrılmış pul iki istiqamətə bölünəcək. Ümumi pulun bir hissəsi küçə işıqlarına qulluq-istismara, bir qismi isə elektrik enerjisi ödənişlərinə xərclənəcək.

“Gecə-gündüz – hər hansı vaxtda əhalinin rahat və təhlükəsiz hərəkət etməsi üçün vacib şərt bələdiyyənin küçə işıqlarıdır. Bələdiyyə ərazisində küçə işıqları şəbəkəsi 16 267 dirəyi, həmin miqdarda da lampanı əhatə edir. Proqram çərçivəsində həyata keçiriləcək: küçə işıqları nöqtələrinə (küçələr. meydanlar, parklar, bina-tikililər) qulluq-istismarı və istifadə olunan elektrik enerjisinin dəyərinin ödənilməsi; Yaşayış məntəqələrində işıqlandırma işləri və elektrik enerjisi şəbəkəsinin qoşulması”, – küçə işıqları proqramında qeyd olunub.

İşıqlandırma nöqtələrinə (küçələr. meydanlar, parklar, bina-tikililər) qulluq-istismarı əhatə edən küçə işıqları şəbəkəsinin istismarı proqramı üçün 525 000 lari xərclənəcək.

Küçə işıqları şəbəkəsinin fəaliyyəti üçün xərclənən elektrik enerjisi xərclərinə isə meriya büdcəsindən 1 600 000 lari ayrılıb.