Marneuli bələdiyyəsinin 2023-cü il büdcəsində ətraf mühitin
mühafizəsi üçün 3 273 000 lari nəzərdə tutulub.
Təmizləmə və tullantıların idarəolunması proqramı çərçivəsində
şəhərin ayrıca ərazisinin, yaşıl örtüyün, şəhərdəki həyətlərin
təmizlənməsi, zibil qablarının yuyulması, şəhərin ayrıca
ərazilərinin, küçələrin təmizlənmə-yuyulması, şəhər ərazisinin qar
örtüyündən təmizlənməsi, şaxtaya qarşı işlərin həyata keçirilməsi
və lazım gələn halda qar kütləsinin daşınması, iribuynuzlu
mal-qaranın şəhərdə hərəkət etməsinin qarşısının alınması, məişət
tullantılarının daşınması, zibilliklərin istismarı və sanitar
xidmət həyata keçiriləcək. Proqramda bələdiyyənin təmizlənməsi və
tullantıların daşınması üçün 2 100 000 lari ayrılıb.
“Proqram bələdiyyə ərazisinin təmizlənməsini təmin edir
və bu da öz növbəsində, küçələrin, təmizlənməsi, zibil qablarının
yerləşdirilməsi və tullantıların daşınmasını əhatə edir. Bu
istiqamətdə bələdiyyəyə 35 (54 norma ilə ) süpürgəçi xidmət
göstərir. Onlar gündəlik 170713 kv.m sahəni təmizləyirlər. 779
zibil qabı var. Buna baxmayaraq, bələdiyyədə bugünkü vəziyyətdə
təmizlənməyən yerlər qalır. Çünki müvafiq texnika və zibil qabları
yoxdur. Bizim məqsədimiz əhaliyə yavaş-yavaş bu xidmətin tam
göstərilməsidir”, – büdcədə yazılıb.
Yerli özünüidarə “Marneuli üzvi tullantılarının emalı müəssisəsi”
MMC-nin subsidiyası, zibilliyin tam işləməsini təmin etmək üçün 270
000 lari nəzərdə tutub. Bu şəhərin sanitar və ekoloji vəziyyətini
yaxşılaşdıracaq.
Diqqətdən kənar qalmış itlərin monitorinqi, onların
sterilizasiyası, eləcə də lazım olan halda xəstələnmiş itlərə
evtanaziya, heyvan qəbiristanlığına aparılması xidməti üçün üçün 50
000 lari ayrılıb.
2023-cü ilin büdcəsində yaşıl bitkilərə qulluq, onların inkişaf
etdirilməsi üçün 375 000 lari nəzərdə tutulub.
“Proqram çərçivəsində yeni ağacların, çiçəklərin və
müxtəlif bitkilərin əkilməsi, yeni yaşıllaşdırma zonalarının
yaradılması, mövcud parklara qulluq göstərilməsi, ağacların
budanması, ağardılması həyata keçiriləcək. Bu halda bələdiyyənin
yaşıl örtüyü qorunub-saxlanacaq”, – proqramın
izahatında yazılıb.
Bələdiyyə ərazisinin yavaş-yavaş zibil qablarının yerləşdirilməsi,
eləcə də zibilin vaxtında, müvafiq intensivliklə daşınmasının tam
təmin edilməsi üçün zibil daşıyan maşının və zibil qablarının
alınmasına 480 000 lari xərclənəcək.