Avropa Şurası Parlament Assambleyası Gürcüstanın da müzakirə
olunduğu qətnamə qəbul edib.
Assambleya ötən ilki qətnaməni nəzərə alaraq, Gürcüstanın üzərinə
götürdüyü öhdəliklərin yerinə yetirilməsi istiqamətində əldə etdiyi
irəliləyişi alqışlayır və bütün siyasi qüvvələri həmin qətnamədə
qeyd olunan tövsiyələri yerinə yetirməyə, həmin qətnamədə ifadə
olunan narahatlıqları nəzərə almağa çağırır.
“Bu baxımdan [Assambleya] ölkədəki ifrat siyasi qütbləşmədən
narahat olaraq qalır ki, bu da islahatlara və ölkənin gələcək
demokratik konsolidasiyası və Avro-Atlantik inteqrasiyası üçün
lazım olan islahatlarda maraqlı tərəflərin iştirakına təsir
göstərir”, - qətnamədə deyilir.
Assambleya ölkədə həqiqətən müstəqil məhkəmə sistemini təmin etmək
üçün gələcək islahatları istiqamətləndirmək üçün hökuməti məhkəmə
sistemi islahatlarını hərtərəfli, müstəqil qiymətləndirməyə
çağırır.
“[Asambleya] media ilə bağlı son hadisələri və bununla bağlı ifadə
olunan narahatlıqları nəzərə alır. O, hökuməti media mühitində
gərginliyin azaldılması üçün bütün mümkün addımları atmağa
çağırır”, - qətnamədə deyilir.
Avropa Şurası Parlament Assambleyası hakimiyyəti ölkəyə haqlı
olaraq arzuladığı Aİ üzvlüyünə namizəd statusu vermək üçün Avropa
İttifaqının 12 tövsiyəsinə əməl etməyə çağırır;
Assambleya Gürcüstanın beynəlxalq səviyyədə tanınmış sərhədləri
daxilində suverenliyini və ərazi bütövlüyünü tam dəstəklədiyini bir
daha təsdiq edir, Gürcüstanın Abxaziya və Tsxinvali rayonlarının
Rusiya Federasiyası tərəfindən qanunsuz işğalı və sürəkli ilhaqını
pisləyir və narahatlığını ifadə edir.