Aprelin 1-dən etibarən A kateqoriyalı taksi sürücüləri
avtobus zolağında sərnişin götürüb düşürə biləcəklər,
– bu barədə paytaxt meri Kaxa Kaladze taksi islahatlarının üçüncü
mərhələsinin təqdimat mərasimində bildirib.
Kaxa Kaladzenin qeyd etdiyinə görə, artıq Gürcüstan Daxili İşlər
Nazirliyi ilə bu istiqamətdə iş aparılır.
“Aprelin 1-dən etibarən müvafiq ağ rəngli nişanı olan
taksi sürücüləri avtobus zolağına hərəkət etmək, sərnişinləri
götürmək və ya düşürmək imkanı əldə edəcəklər, onlar yalnız
sərnişinləri götürüb-düşürə biləcəklər. Bu istiqamətdə biz Daxili
İşlər Nazirliyi ilə fəal işləyirik və daha sonra sizə ətraflı
məlumat verəcəyik”, - Kaladze bildirib.