44 yaşlı kişi keçmiş arvadının evinə dinləmə qurğuları quraşdırmaqda ittiham edilərək saxlanılıb
Xüsusi İstintaq Xidmətinin məlumatına görə, həmin şəxs keçmiş həyat yoldaşının evində gizli şəkildə dinləmə cihazları quraşdırıb. Agentliyin məlumatına görə, 44 yaşlı kişi bir neçə ay ərzində keçmiş arvadını qanunsuz olaraq dinləyib.

“İstintaq müəyyən edib ki, 1979-cu il təvəllüdlü Tbilisidə yaşayan müttəhim keçmiş həyat yoldaşının yerləşdirdiyi mənzilinin qonaq otağında və yataq otağında gizli şəkildə içərisində SİM kartları olan dinləmə cihazları quraşdırıb və onlarla telefon əlaqəsi yaratmaqla zərərçəkmişin şəxsi ünsiyyətini aylarla qanunsuz olaraq izləyib"
, - deyə agentlik bildirib.

Həmin şəxsə qarşı Cinayət Məcəlləsinin 158-ci maddəsinin icazəsiz olaraq şəxsi söhbətin qeydə alınması və ya izlənilməsi maddəsinin birinci hissəsi ilə ittiham irəli sürülüb. Cinayət 4 ilə qədər azadlıqdan məhrumetmə ilə cəzalandırılır.

Təqsirləndirilən şəxs məhkəmənin qərarı əsasında həbs edilib, lakin istintaq hələ də davam edir.
Mənbə: Netgazeti

Print ელ. ფოსტა
FaceBook Twitter Google