Tbilisidə Ukraynadan məcburi köçkünlər üçün ötən il “Ukrayna Evi” açılıb. “Ukrayna Evi”-nin benefisiarları Rusiyanın Ukraynaya hücumundan 2 il sonra Gürcüstana daha yaxşı adaptasiya olmaq üçün gürcü dilini öyrənə bilərlər.

“Gürcü-Ukrayna Platformasının” sədri və “Ukrayna Evinin” rəhbəri Valentina Marcanişvili bildirir ki, bu gün Gürcüstanda, əsasən Tbilisidə və Batumidə 25 000-dən 27 000-ə qədər ukraynalı yaşayır. O, ictimaiyyətin Ukraynaya

dəstək olmaq üçün necə birləşdiyini xatırlayır. Rus narrativi isə yanaşmalarda dəyişiklik yaratdı – “Bu bütün əhalidən, eləcə də müharibəyə qədər burada yaşayan ukraynalılardan təsəvvür edilməz dəstək idi. Hamı Ukraynada baş vermiş bədbəxtliyə münasibət bildirdi. Hamı kömək etmək üçün nə isə etməyə çalışırdı. Bütün gürcülər müharibənin nə olduğunu bilirlər. Hamı 2008-ci ili xatırlayır. Ona görə də bu yerli əhalinin hiss etdiyi xüsusi ağrı idi”.


“Ukyna Evi” Tbilisidə 2023-cü ilin sentyabr ayında yaradılıb. Açılandan bu günə qədər Ukrayna Evinə 3000-ə yaxın benefisiar gəlib, onlar gürcü, ingilis dilini, əl işlərini, Gürcüstanda biznesə başlamaq qaydalarını öyrənir, gürcülərə ukraynalıları daha yaxşı tanıtmaq məqsədilə mədəni axşamlar keçirirlər.

İrina, Orasta, Marina və Alesia (adlar şərtidir) Gürcüstanda yaşayırlar. Marina Gürcüstana müharibə başlamazdan əvvəl gəlib, Orasta burada yalnız bir ay qalmalı idi, amma artıq iki ildir, Gürcüstanda qalır. İrina Gürcüstana Rusiyadan keçib, Alesiya işğal edilmiş Luqansk vilayətindən azad Ukraynaya, sonra isə Gürcüstana keçib.

Ukraynalı xanımlar müharibə başlamazdan əvvəlki dövrü xatırlayırlar – o zaman Ukraynada və Gürcüstanda nə baş verirdi? Müharibədən sonra Gürcüstanda həyat necə davam edib, onlar rus təxribatına görə hansı problemlərlə qarşılaşırlar və onların gələcək planları necədir?


Ukraynalı məcburi köçkünlər öz ölkələrinə nə zaman qayıdacaqlarını bilmirlər. Onlar yeni reallığa uyğunlaşmağa və gürcü dilini öyrənməyə çalışırlar. “Ukrayna Evininin” rəhbəri Valentina Marcanişvilinin sözlərinə görə, ukraynalıların gürcü dilini öyrənməsi çox mühümdür. “Böyüklərin böyük ehtiyacı var ki, elementar səviyyədə gürcü dilini bilsinlər. Qəbul elan etdik, faktiki olaraq 3-4 günə 130 müraciət daxil olub".

Jvania məktəbi yetkinlik yaşına çatmış ukraynalılar üçün, gürcülərlə ünsiyyətin asanlaşdırılması məqsədi ilə 2 gürcü dili tədris qrupu açıb – sıfırdan başlayan və bir az yüksək səviyyə. Ukraynalı uşaqlar da gürcü dilini öyrənirlər. Gürcüstan Təhsil Nazirliyi onlar üçün gürcü məktəblərində xüsusi Ukrayna sektorları açıb – Tbilisidə, 41 və 220 saylı məktəblərdə, eləcə də Batumidə iki sektor fəaliyyət göstərir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.