Gürcüstan parlamentinin sədri Şalva Papuaşvili bu gün Gürcüstanda səfərdə olan 4 ölkənin xarici işlər nazirləri ilə görüşüb.
Litvanın xarici işlər naziri Qabrielius Landsbergis, Estoniyanın xarici işlər naziri Marqus Tsahkna, Latviyanın xarici işlər naziri Baiba Braze və İslandiyanın xarici işlər naziri Tordis Gilfadottir mayın 15-də səhər saatlarında Gürcüstana gələrək hakimiyyəti “rus qanunu”nu ləğv etməyə çağırıblar.


Xarici işlər nazirlərinin nümayəndə heyəti ilə görüşdən sonra Gürcüstan parlamentinin sədri Şalva Papuaşvili deyib:

“Bu gün daxildə danışarkən hamımız razılaşdıq ki, avropalı həmkarlarımıza [Rusiyaya] sanksiya tətbiq etmədiyimiz zaman onların məsləhətlərinə qulaq asmamaqla düzgün iş görmüşük; Nə yaxşı ki, avropalı həmkarlarımızı dinləmədik və onların məsləhətini nəzərə alıb Saakaşvilini buraxmadıq. Biz haqlı çıxdıq, onlar isə səhv etdilər”.

Jurnalistlərin aydınlaşdırıcı sualına Papuaşvili təsdiqləyib ki, nazirlər yuxarıda deyilənlərlə razılaşıblar. Lakin avropalı nazirlərin özləri belə bir razılaşmanın mövcudluğunu inkar ediblər.

“Açıq deyim ki, biz bunların heç biri ilə razılaşmadıq. Mənim mesajım bunun əksidir: Gürcüstan düzgün istiqamətdə getmir”, - Estoniyanın xarici işlər naziri Marqus Tsahkna Papuaşvilinin bəyanatına cavab olaraq X-də yazıb.


“Gürcüstan parlamentinin spikeri ilə görüşlə bağlı yaranmış çaşqınlığa cavab olaraq, aydınlaşdırmağı zəruri hesab edirəm – biz Gürcüstanın Avropa məsləhət və dəyərlərinə məhəl qoymamaqda haqlı olduğuna razı olmadıq və “müəyyən” deyil, son dərəcə sərt fikirlər bildirdik”, - Litvanın xarici işlər naziri Qabrielius Landsbergis yazıb.


Latviyanın xarici işlər naziri Baiba Braze öz növbəsində yazıb ki, xarici təsirlərin şəffaflığı qanun layihəsi və onun Gürcüstanın Avropa yoluna mənfi təsiri ilə bağlı narahatlıqlar şübhəsizdir.

“Biz bunu parlamentin sədrinə demişik. Spikerin bizə Rusiya sanksiyaları və ya cənab Saakaşvili haqqında yazdığı bəyanatlara inanmayın”, - Latviyanın xarici işlər naziri yazıb.


Mayın 13-də parlament çoxluğunun “Xalqın gücü” üzvü hökuməti 4 ölkənin (Litva, Estoniya, İslandiya, Latviya) xarici işlər nazirlərinin nümayəndə heyəti ilə görüşməməyə və onların ölkəyə daxil olmasının mümkünlüyünü müzakirə etməyə çağırıb.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.