Avropa Şurasının prezidenti Şarl Mişel “agentlər qanununun” təsdiqi haqda danışıb və onu “geri addım” kimi qiymətləndirib.

Şarl Mişelin sözlərinə görə, Avropa İttifaqı gürcü xalqının Avropa seçiminə dəstək verəcək.

"Avropa Şurası dekabr ayında Gürcüstanın müvafiq addımlar atması və lazımi demokratik islahatları həyata keçirməsi şərti ilə namizəd statusunun qəbul edilməsi barədə qərar qəbul edib. Parlamentdə "Şəffaflıq Qanunu"nun

qəbulu geriyə addımdır və Gürcüstanı daha da uzaqlaşdırır. Gürcü xalqı aydın şəkildə Avropa Birliyində gələcək seçib və biz onların ambisiyalarını dəstəkləmək üçün hər şeyi edəcəyik”, - Mişel X sosial şəbəkəsində yazıb və Gürcüstan məsələsinin Avropa Şurasının növbəti sessiyasının gündəliyə əlavə olunacağını qeyd edib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.